இகான்

இகான் மக்களவைத் தொகுதி குறித்து அறிய, காண்க இகான் மக்களவைத் தொகுதி.

இகான் Igan Kampung Igan
இகான் மீனவர் திருவிழா (2012)
இகான்       மலேசியா
ஆள்கூறுகள்: 2°49′25″N 111°42′24″E
நாடு	மலேசியா
மாநிலம்	சரவாக்
பிரிவு	முக்கா பிரிவு
மாவட்டம்	இகான் துணை மாவட்டம்
பரப்பளவு
• மொத்தம்	248 km2 (96 sq mi)
மக்கள்தொகை  (2010)
• மொத்தம்	3,731
• அடர்த்தி	15/km2 (39/sq mi)
நேர வலயம்	மலேசிய நேரம் ஒ.ச.நே + 08:00
அஞ்சல் குறியீடு	96300
இணையதளம்	Matu & Daro District Council

இகான் (மலாய் மொழி: Kampung Igan; ஆங்கிலம்: Igan) என்பது மலேசியா, சரவாக் மாநிலத்தில் முக்கா பிரிவு; மாத்து மாவட்டத்தில் அமைந்து உள்ள துணை மாவட்டம்; மற்றும் நகரமாகும்.

இந்த நகரம், தென் சீனக் கடற்கரையில், இகான் ஆற்றுக் கழிமுகத்திற்கு அருகில் அமைந்துள்ளது.

இகான் நகரம், முக்கா பிரிவின் நிர்வாக நகரமான முக்கா நகரத்திற்கு மேற்கே ஏறக்குறைய 50 கிலோமீட்டர்கள் (131 மைல்கள்) தொலைவிலும்; ஓயா நகரத்தில் இருந்து 23 கிலோமீட்டர்கள் (14 மைல்கள்) தொலைவிலும் உள்ளது.

பொது

இகான் என்பது இகான் கிராமத்தைச் சுற்றிலும் மட்டுமே காணக்கூடிய ஒரு வகை மீன் ஆகும். கம்போங் இகான் எனும் இகான் கிராமம், ராஜாங் ஆற்றின் முடிவில் அமைந்துள்ள மெலனாவ் கிராமங்களில் ஒன்றாகும். இங்குள்ளவர்களில் பெரும்பாலோர் மெலனாவ் மக்கள் ஆவார்கள்.

சிபுவில் இருந்து இகான் கிராமத்திற்குச் சாலை வழியாகச் செல்வது என்றால் 3 முதல் 4 மணி நேரம் பிடிக்கும். அதே வேளையில் விரைவுப் படகு பயணத்திற்கு 5 மணிநேரம் பிடிக்கும். கிராமவாசிகள் பெரும்பாலோர் சொந்தத் தொழில் செய்பவர்களாக உள்ளனர்.

உப்பு மீன்கள், நெத்திலி மீன்கள், பெலாச்சான் விற்பனை; மற்றும் செம்பனைச் சாகுபடி, ரப்பர் மரம் வளர்ப்பு, கைவினைப்பொருட்கள் விற்பனை போன்றவை அவர்களின் முக்கியத் தொழில்களாக உள்ளன. இவர்களின் தயாரிப்புகள் கூச்சிங் நகரம் வரை விற்பனை செய்யப்படுகின்றன.