பெர்னார்ட் கிலுக் தும்போக்

மாண்புமிகு துவான் டான் ஸ்ரீ டத்தோ ஸ்ரீ பாங்லிமா பெர்னார்ட் கிலுக் தும்போக் Bernard Giluk Dompok PSM; SPDK; PGDK; PPN
மலேசிய தோட்டத் தொழில் அமைச்சர்
பதவியில் 10 ஏப்ரல் 2009 – 15 மே 2013
பிரதமர்	நஜீப் ரசாக்
தொகுதி	பெனாம்பாங்
பிரதமர் துறை அமைச்சர்
பதவியில் 15 திசம்பர் 1999 – 9 ஏப்ரல் 2009
பிரதமர்	மகாதீர் முகமது அப்துல்லா அகமது படாவி
பெனாம்பாங் மக்களவைத் தொகுதி
பதவியில் 8 மார்ச் 2008 – 5 மே 2013
பெரும்பான்மை	3,409 (1986) 9,078 (1990)
இரானாவ் மக்களவைத் தொகுதி
பதவியில் 2 ஆகஸ்டு 1986 – 24 ஏப்ரல் 1995
பெரும்பான்மை	5,423 (1999) 1,387 (2004)
11-ஆவது சபா முதலமைச்சர்
பதவியில் 29 நவம்பர் 1999 – 8 மார்ச் 2004
பதவியில் 28 மே 1998 – 14 மார்ச் 1999
தனிப்பட்ட விவரங்கள்
பிறப்பு	Bernard Giluk Dompok 7 அக்டோபர் 1949 (1949-10-07) பெனாம்பாங், பிரித்தானிய வடக்கு போர்னியோ (தற்போது சபா), மலேசியா
அரசியல் கட்சி	ஐக்கிய சபா கட்சி (PBS) சபா மக்களாட்சி கட்சி (PDS) கடாசான் மூருட் அமைப்பு (UPKO)
துணைவர்(கள்)	வாலரி பிஞ்சிவான்; டயானா அலிப்
பிள்ளைகள்	5
முன்னாள் கல்லூரி	கிழக்கு லண்டன் பல்கலைக்கழகம்
கையெழுத்து
இணையத்தளம்	bernard-dompok.blogspot.com

பெர்னார்ட் கிலுக் தும்போக் (ஆங்கிலம்; Bernard Giluk Dompok; மலாய்: Tan Sri Datuk Seri Panglima Bernard Giluk Dompok) (பிறப்பு: 7 அக்டோபர் 1949) என்பவர் ஒரு மலேசிய அரசியல்வாதி ஆவார். இவரின் பதவிகள்:

• மே 1998 முதல் மார்ச் 1999 வரை, மலேசியா, சபா மாநிலத்தின் 11-ஆவது முதலமைச்சர்;
• 15 திசம்பர் 1999 – 9 ஏப்ரல் 2009 வரை மலேசியப் பிரதமர் துறை அமைச்சர்;
• 10 ஏப்ரல் 2009 – 15 மே 2013 வரை மலேசிய தோட்டத் தொழில் அமைச்சர்;
• (1986 - 1995); (2008 - 2013) ஆண்டுகளில் பெனாம்பாங் மக்களவைத் தொகுதி உறுப்பினர்;
• (1999 - 2004) ஆண்டுகளில் ரானாவ் மக்களவைத் தொகுதி உறுப்பினர்
• (1994 - 2004) ஆண்டுகளில் கடாசான் மூருட் அமைப்பு (UPKO) தலைவர்

பொது

பெர்னார்ட் கிலுக் தும்போக், சபாவின் பெனாம்பாங்கில் பிறந்தார். அவர் தன் தொடக்கக் கல்வியை பெனாம்பாங் செயின்ட் மைக்கேல் பள்ளி; மற்றும் கோத்தா கினபாலு தஞ்சோங் அரு லா சாலே மேல்நிலைப் பள்ளி; ஆகிய பள்ளிகளில் பெற்றார். பின்னர் அவர் 1978-இல், ஐக்கிய இராச்சியத்தின் வெசுட்காம் தொழில்நுட்ப நிறுவனத்தில் (இப்போது கிழக்கு லண்டன் பல்கலைக்கழகம்), இளங்கலை பட்டம் பெற்றார்.

அவர் 1978-இல், சபா மாநில நிலங்கள் மற்றும் நில அளவைத் துறையில் மதிப்பீட்டாளராகத் தன் வாழ்க்கையைத் தொடங்கினார். பின்னர் அவர் பொதுத் துறையை விட்டு வெளியேறி 1980 முதல் 1985 வரை சுமார் ஐந்து ஆண்டுகள் தனியார் மதிப்பீட்டாளராகப் பணியாற்றினார்.

அரசியல் வாழ்க்கை

ஆரம்பத்தில் ஐக்கிய சபா கட்சியின் (PBS) உறுப்பினராக இருந்த பெர்னார்ட் கிலுக் தும்போக், சபா மாநில சட்டமன்றத் தொகுதியான மோயோக் சட்டமன்றத் தொகுதி; மற்றும் பெனாம்பாங் மக்களவைத் தொகுதி ஆகிய இரண்டிலும்; 1986 தேர்தல்களில் போட்டியிட்டு வெற்றி பெற்றார்.

1986 மாநிலத் தேர்தலில் ஐக்கிய சபா கட்சி பெரும்பான்மையில் வெற்றி பெற்றது. அதைத் தொடர்ந்து பெர்னார்ட் கிலுக் தும்போக், சபா மாநிலத்தின் நிதி அமைச்சராக நியமிக்கப்பட்டார்.

1994-இல், சபா மக்களாட்சி கட்சி (PDS) என முன்பு அறியப்பட்ட கடாசான் மூருட் அமைப்பின் (UPKO} தலைவரானார். அதன் பின்னர், பெர்னார்ட் கிலுக் தும்போக் மற்றும் பலர் ஐக்கிய சபா கட்சியில் (PBS) இருந்து பிரிந்து பாரிசான் நேசனல் (BN) கூட்டணியில் சேர்ந்தனர். பாரிசான் நேசனல் கூட்டணிக்கு மாறிய பிறகு, 1995-ஆம் ஆண்டு மலேசியப் தேர்தலில் அவர் தன் நாடாளுமன்ற உறுப்பினர் பதவியை இழந்தார்.

சபா முதலமைச்சர் பதவி

பெர்னார்ட் கிலுக் தும்போக், தன் மக்களவை உறுப்பினர் பதவியை இழந்த போதிலும், மாநிலச் சட்டமன்ற உறுப்பினராகவும், மாநில பாரிசான் நேசனல் அரசாங்கத்தின் மூத்த உறுப்பினராகவும் இருந்தார். 1998 முதல் 1999 வரை சுழற்சி அடிப்படையில், சபா முதலமைச்சர் பதவியை ஏற்கும் முன், சபா மாநில அரசாங்கத்தின் பல அமைச்சுகளில் பணியாற்றினார்.

1999-இல் அவர் கோத்தா கினபாலு மக்களவைத் தொகுதியில், ஐக்கிய சபா கட்சியின் வேட்பாளரைத் தோற்கடித்து வெற்றி பெற்றார். 2004-இல் மலேசிய அமைச்சரவையில் பிரதமர் துறை அமைச்சராக இணைந்து 2008-இல், மலேசிய தோட்டத் தொழில் மற்றும் மூலப் பொருட்கள் அமைச்சின் அமைச்சரானார்.

2013 மலேசியப் பொதுத் தேர்தலில், மக்கள் நீதிக் கட்சியின் (PKR) டேரல் லீக்கிங் (Darell Leiking) என்பவரிடம் தன் கோத்தா கினபாலு மக்களவைத் தொகுதியை இழந்தபோது, ​​அவரின் நாடாளுமன்ற வாழ்க்கை ஒரு முடிவுக்கு வந்தது.

பொதுத்தேர்தல் முடிவுகள்

மலேசிய மக்களவை: P174 பெனாம்பாங் மக்களவைத் தொகுதி, சபா

ஆண்டு	அரசு		வாக்குகள்	%	எதிரணி		வாக்குகள்	%
1986		பெர்னார்ட் கிலுக் தும்போக் (PBS)	6,659	52.32%		மார்செல் லீக்கிங் (சுயேச்சை)	3,250	25.53%
1990		பெர்னார்ட் கிலுக் தும்போக் (PBS)	12,654	77.97%		மார்செல் லீக்கிங் (DAP)	3,576	22.03%
1995		பிரான்சிஸ் நோட்டியன் (PBS)	14,652	53.02%		பெர்னார்ட் கிலுக் தும்போக் (SDP)	12,982	46.98%
2008		பெர்னார்ட் கிலுக் தும்போக் (UPKO)	13,400	52.4%		எட்வின் போசி(PKR)	10,337	40.5%
2013		பெர்னார்ட் கிலுக் தும்போக் (UPKO)	12,382	33.9%		டோரல் லீக்கிங் (PKR)	22,598	61.8%

விருதுகள்

மலேசிய விருதுகள்

• மலேசியா :
  • - Order of the Defender of the Realm (PPN) (1976)
  • - Order of Loyalty to the Crown of Malaysia (PSM) – Tan Sri (1997)

• சபா :
  • - Order of Kinabalu (PGDK) – Datuk (1987)
  • - Order of Kinabalu (SPDK) – Datuk Seri Panglima (1995)

மேலும் காண்க

• சபா ஆளுநர்
• சபா அமைச்சரவை
• சபா முதலமைச்சர்
• சபா மாநில சட்டமன்றம்
• மலேசிய அரசியல் நெருக்கடி 2020-2022