குண்டுத் தீவு

குண்டுத் தீவு ( Gundu Island) இந்தியாவின் கேரள மாநிலத்திலுள்ள கொச்சி நகரத்தைச் சேர்ந்த பல தீவுகளில் ஒன்றாகும். நவம்பர் 1967 ஆம் ஆண்டு கேரள சட்டமன்றத்தின் ஒருங்கிணைப்பு ஆணை குண்டுத் தீவை கொச்சி நகரின் ஒரு பகுதியாக அறிவித்தது.மிகவும் சிறிய தீவான குண்டுத் தீவு 5 ஏக்கர் (20,000 மீ 2) பரப்பளவில் அமைந்து முற்றிலும் தென்னை மரங்களால் சூழப்பட்டுள்ளது. வைப்பீன் தீவில் இருந்து படகு மூலம் மட்டுமே இத்தீவை அடைய முடியும்.

காலநிலை

குண்டுத் தீவின் குளிர்ந்த காற்றும் அமைதியான சுற்றுச்சூழலும் பல பார்வையாளர்களை ஈர்க்கிறது .

கட்டிடங்கள்

கயிறுகள் மற்றும் தரைவிரிப்புகளை உற்பத்தி செய்யும் தனியார் நிறுவன தொழிற்சாலைக்குச் சொந்தமான கட்டிடம் ஒன்று மட்டுமே இத்தீவிலுள்ள கட்டிடம் ஆகும்.