திருநெல்வேலி மீனாட்சி சுந்தரேசுவரர் கோயில்

திருநெல்வேலி மீனாட்சி சுந்தரேசுவரர் கோயில் திருநெல்வேலி மாவட்டத்தில் உள்ள தேவார வைப்புத்தலமாகும்.

அமைவிடம்

திருநெல்வேலி மாவட்டத்தில் திருநெல்வேலி நகரில் பேருந்து நிலையம் அமைந்துள்ள பகுதி பூந்துறை என்றும் சிந்து பூந்துறை என்றும் அழைக்கப்படுகிறது. அப்பகுதியில் இக்கோயில் உள்ளது.

இறைவன், இறைவி

இக்கோயிலில் உள்ள இறைவன் சுந்தரேசுவரர் ஆவார். இறைவி மீனாட்சி ஆவார்.

பிற சன்னதிகள்

இச்சிறிய கோயிலின் வெளிச்சுற்றில் விநாயகர், வள்ளி தெய்வானையுடன் சுப்பிரமணியர், சனீஸ்வரர், நவக்கிரகங்கள், நடராச சபை சன்னதிகள் உள்ளன. மூலவருக்குப் பக்கத்தில் இறைவி சன்னதி உள்ளது.