மலையாள மனோரமா

மலையாள மனோரமா

வகை	நாளிதழ்
உரிமையாளர்(கள்)	மலையாள மனோரமா கம்பெனி லிமிடெட்
நிறுவுனர்(கள்)	கண்டதில் வர்கீஸ் மாப்பிள்ளை
தலைமை ஆசிரியர்	மேமென் மாத்யூ
முகாமைத்துவ ஆசிரியர்கள்	பிலிப் மாத்யூ
நிறுவியது	1888 (1888)
மொழி	மலையாளம்
வெளியீட்டு முடிவு	1938
மீள் ஆரம்பம்	1947 (1947)
தலைமையகம்	கோட்டயம், கேரளா, India
விற்பனை	1,908,612 நாள்தோறும் (as of சூன் 2022)
வாசகர்கள்	8.47 மில்லியன் (ஐஆர்எஸ் 2019)
ISSN	0972-0022
OCLC எண்	802436310
இணையத்தளம்	www.manoramaonline.com

மலையாள மனோரமா கேரள மாநிலம் கோட்டயம் நகரிலிருந்து வெளியாகும் மலையாள மொழி காலை நாளிதழ் ஆகும். இதனை மலையாள மனோரமா கம்பெனி லிமிடெட் எனும் நிறுவனம் பதிப்பிடுகிறது. தற்போது மாமென் மேத்யூ என்பவரைத் தலைவராகக் கொண்டு இயங்கும் இந்த நாளிதழின் முதல் இதழ் ஒரு வாராந்திர இதழாக 22 மார்ச் 1888 அன்று வெளியானது. நாள்தோறும் 1.9 மில்லியன் பிரதிகள் விற்பனையாகின்றன. 8 மில்லியன் பேர் வாசகர்களாக உள்ளனர். கேரள மாநிலத்தின் இரண்டாவது பழைமையான செய்தித்தாளாக மலையாள மனோரமா கருதப்படுகிறது. கேரளாவின் முதல் செய்தித்தாள் தீபிகா எனும் இதழாகும். இணையவழி பதிப்பையும் மனோரமா நடத்துகிறது.

இந்நிறுவனத்திலிருந்து ஆங்கிலம், இந்தி மொழிகளில் மகளிர், குழந்தைகளுக்கான இதழ்கள் வெளியாகின்றன. செய்தித் தொலைக்காட்சி, பொழுதுபோக்குத் தொலைக்காட்சிகள் இயங்குகின்றன. ஆங்கில மொழியில் தி வீக் (The Week) இதழ் வாரந்தோறும் வெளியாகிறது.

வரலாறு

ஒரு கூட்டுப் பங்கு வெளியீட்டு நிறுவனமாக, இந்திய குடியரசின் முதல் கூட்டுப் பங்கு வெளியீட்டு நிறுவன அந்தஸ்தைப் பெறுவதற்காக திட்டமிடப்பட்ட இது, 1888 ஆம் ஆண்டில் கண்டதில் வர்கீஸ் மாப்பிள்ளை என்பவரால் கோட்டயத்தில் இணைக்கப்பட்டது. அப்போது அது திருவாங்கூர் இராஜ்ஜியத்தில் ஒரு சிறு நகரம், தற்சமயம் இந்தியாவின் கேரள மாநிலத்தின் ஒரு பகுதி. மலையாள மனோரமா வின் முதல் பதிப்பு மார்ச் 22, 1890 அன்று ஆர்தோடாக்ஸ் சர்ச்சின் மாலங்காரா மெட்ரோபோலியன் எச்.ஜி. ஜோசப் மார் டையோனைசியசின் சொந்த அச்சகத்திலிருந்து வெளியிடப்பட்டது. மலையாள மனோரமா என்னும் பெயர் திருவல்லாவிலிருந்து வில்லுவரவட்டத்து கவிஞர் ராகவன் நாயரால் தேர்வுசெய்யப்பட்டது. கேரள வர்மா சின்னத்தை வழங்கினார். இது திருவாங்கூர் இராஜ்ஜிய சின்னத்தின் ஒரு அங்கமாக இருந்தது. இரண்டு ஆண்டு காலத்தில், இணைக்கப்பட்ட தேதியிலிருந்து வெளியீடு துவங்கியது வரையில் நிறுவனம் பல சவால்களை எதிர்கொண்டது. தகவல் சார்ந்த மாதாந்திர இதழான டெல் மி வையையும் அது வெளியிடுகிறது.

மலையாள மனோரமா, மாத்ருபூமி இதழ்களுக்கிடையேயான ஒரு ஒப்பீடு: (ராபின் ஜெஃப்ரி எழுதிய India's Newspaper Revolution (2000) எனும் நூல், கே. எம். ஜார்ஜ் எழுதிய Western Influence on Malayalam Language and Literature (1972), ஆடிட் பீரோ ஆஃப் சர்குலேசன்சு (ABC) 2013 ஆகியவற்றின் அடிப்படையில்)

500

1,000

1,500

2,000

2,500

3,000

1927

1937

1947

1957

1960

1964

1968

1970

1981

1998

2013

•   மாத்ருபூமி
•   மனோரமா

அச்சிடப்படும் இடங்கள்

கொல்லம் நகரத்திலுள்ள அலுவலகமும் அச்சகமும்

• கோட்டயம், கோழிக்கோடு, திருவனந்தபுரம், கொச்சி, திருச்சூர், கண்ணூர், கொல்லம், பாலக்காடு, மலப்புறம், பத்தனம்திட்டா, ஆலப்புழை, மங்களூர், பெங்களூர், சென்னை, மும்பை, தில்லி, துபாய், மனாமா, தோகா

தலைமை ஆசிரியர்களாக பணியாற்றியவர்கள்

• கண்டத்தில் வர்கீசு மாப்பிள்ளை (1890 - 1904)
• கே. சி. மாமேன் மாப்பிள்ளை (1904 - 1938, 1947 - 1954)
• கே. எம். செரியன் (1954 - 1973)
• கே. எம். மாத்யூ (1973 - 2010)
• மாமேன் மாத்யூ (2010–இப்போது வரை)

வெளி இணைப்புகள்

• அதிகாரப்பூர்வ இணையதளம் (in மலையாளம்)