சக்தி சிதம்பரம்

சக்தி சிதம்பரம்
பிறப்பு	சி. தினகரன்
பணி	திரைப்பட இயக்குநர், தயாரிப்பாளர், நடிகர்
செயற்பாட்டுக் காலம்	1997 - தற்போது

சக்தி சிதம்பரம் இந்திய தமிழ்த் திரைப்பட இயக்குநர் ஆவார். இவர் லவ்லி, சார்லி சாப்ளின், இங்கிலிஸ்காரன் உள்ளிட்ட வெற்றித் திரைப்படங்களை இயக்கியுள்ளார். இயக்கம் மட்டுமின்றி திரைப்படங்களை தயாரித்தும் வருகிறார். இவரது இயற்பெயர் சி. தினகரன் ஆகும்.

திரையுலக வாழ்க்கை

இவர், கோட்டை வாசல், போக்கிரி தம்பி, பதவி பிரமாணம், வீட்டை பாரு நாட்டை பாரு உழியன். உள்ளிட்ட திரைப்படங்களுக்கு வசனம் எழுதினார். 1997இல் பாசிகர் என்னும் இந்தி திரைப்படத்தின் மறுஆக்கமான சாம்ராட் திரைப்படத்தை ராம்கியை வைத்து இயக்கியதன் மூலமாக தமிழ்த் திரைப்படத்துறையில் இயக்குநராக அறிமுகமானார். இதனைத் தொடர்ந்து 1989இல் மன்சூர் அலி கான் முக்கிய கதாப்பாத்திரத்தில் நடித்த வெட்டு ஒன்னு துண்டு ரெண்டு திரைப்படத்தை இயக்கினார். இந்த இரண்டு திரைப்படங்களுமே தோல்வியைச் சந்தித்த திரைப்படங்களாகும்.

சிறிது இடைவெளிக்குப் பிறகு தனது பெயரை மாற்றிக் கொண்டு என்னம்மா கண்ணு என்னும் சத்யராஜ் நடித்த திரைப்படத்தை இயக்கினார். இது ஒரு வெற்றித் திரைப்படமாக அமைந்தது. இப்படத்தின் வெற்றியைத் தொடர்ந்து மீண்டும் இருவரும் மிஸ்டர் நாரதர் என்னும் திரைப்படத்தில் இணைய திட்டமிட்டனர். ஆனால் இப்படம் கைவிடப்பட்டது. பின்னர் கார்த்திக் நடித்த லவ்லி திரைப்படத்தை இயக்கினார். இப்படத்தைத் தொடர்ந்து, பிரபுவும், பிரபுதேவாவும் இணைந்து நடித்த சார்லி சாப்ளின் திரைப்படத்தை இயக்கினார். இது ஒரு சிறந்த வெற்றித் திரைப்படமாக அமைந்தது. தமிழில் வெற்றிபெற்றதைத் தொடர்ந்து இப்படம் இதர இந்திய மொழிகளில் மறுஆக்கம் செய்யப்பட்டது. இதனைத் தொடர்ந்து இனிது இனிது காதல் இனிது, காதல் கிறுக்கன் திரைப்படங்களை இயக்கினார். இவ்விரு திரைப்படங்களும் வணிக ரீதியாக வெற்றியைப் பெறவில்லை.

சத்யராஜ் உடன் மீண்டும் இணைந்து இங்கிலிஸ்காரன், கோவை பிரதர்ஸ் திரைப்படங்களை இயக்கினார். இவ்விரு திரைப்படங்களும் சிறப்பான வெற்றியைப் பெற்றன.

திரைப்பட விபரம்

இயக்குநராக

ஆண்டு	திரைப்படம்	மொழி	நடித்தவர்கள்
1997	சாம்ராட்	தமிழ்	ராம்கி
2000	என்னம்மா கண்ணு	தமிழ்	சத்யராஜ், தேவயானி
2001	லவ்லி	லவ்லி	கார்த்திக், மாளவிகா, மோனல்
2002	சார்லி சாப்ளின்	தமிழ்	பிரபு, பிரபுதேவா, அபிராமி
2003	காதல் கிறுக்கன்	தமிழ்	ரா. பார்த்திபன், ரிச்சா பலோட், வடிவேலு
2003	இனிது இனிது காதல் இனிது	தமிழ்	ஜெய் ஆகாஷ்
2004	மகா நடிகன்	தமிழ்	சத்யராஜ், நமிதா
2005	இங்கிலிஸ்காரன்	தமிழ்	சத்யராஜ், நமிதா
2006	கோவை பிரதர்ஸ்	தமிழ்	சத்யராஜ், சிபிராஜ், நமிதா
2007	வியாபாரி	தமிழ்	எஸ். ஜே. சூர்யா, தமன்னா, நமிதா
2008	சண்டை	தமிழ்	சுந்தர் சி., நதியா
2009	ராஜாதி ராஜா	தமிழ்	ராகவா லாரன்ஸ்
2010	குரு சிஷ்யன்	தமிழ்	சத்யராஜ், சுந்தர் சி.
2019	சார்லி சாப்ளின் 2	தமிழ்	பிரபுதேவா
2021	பேய் மாமா	தமிழ்	யோகி பாபு
2024	ஜாலியோ ஜிம்கானா	தமிழ்

நடிகராக

ஆண்டு	திரைப்படம்	கதாபாத்திரம்	நடித்தவர்கள்	குறிப்புகள்
1992	கோட்டை வாசல்	பெரியவரின் உதவியாளர்	அருண் பாண்டியன்
1994	ஊழியன்		அருண் பாண்டியன்	கோவிந்தராஜின் உதவியாளர்
1999	ஜோடி	பிரசாந்தின் நண்பர்	பிரசாந்த், சிம்ரன்	தினகர்
2007	வியாபாரி		எஸ். ஜே. சூர்யா, தமன்னா	"வியாபாரி பாடலில் சிறப்புத் தோற்றம்
2013	தில்லு முல்லு	திரைப்பட இயக்குநர்	சிவா	சிறப்புத் தோற்றம்
2015	மச்சான்		ரமேஷ் அரவிந்த், விவேக், கருணாஸ், நமிதா

எழுத்தாளராக

• கோட்டை வாசல் (1992)
• வீட்டைப்பாரு நாட்டைப்பாரு (1994)
• ஊழியன் (1994)
• பதவிப் பிரமாணம் (1994)

தயாரிப்பாளராக

• கோவை பிரதர்ஸ் (2006)
• வியாபாரி (2007)
• பழனி (2008)
• சண்டை (2008)
• ராஜாதி ராஜா (2009)
• குரு சிஷ்யன் (2010)

திரைப்பட விநோயகத்தராக

• சக்தி சிதம்பரம் காவலன் படத்திற்கான தமிழ்நாடு விநியோகத்தை வாங்கி வெளியிட்டார்.

புற இணைப்புகள்

• ஐ.எம்.டி.பி இணையத்தளத்தில் சக்தி சிதம்பரம்