21ம் நூற்றாண்டில் மூலதனம்
.jpg) கெட்டி அட்டைப் பதிப்பு | |
| நூலாசிரியர் | தாமசு பிக்கெட்டி |
|---|---|
| உண்மையான தலைப்பு | Le Capital au XXIe siècle |
| மொழிபெயர்ப்பாளர் | ஆர்த்தர் கோல்ட்ஹாமர் |
| மொழி | பிரெஞ்சு |
| பொருண்மை | முதலாளித்துவம், பொருளியல் வரலாறு, பொருளாதார ஏற்றத்தாழ்வு |
| வகை | அபுனைவு |
| வெளியீட்டாளர் | எடிசன்ஸ் தூ சியூல், ஹார்வார்ட் பல்கலைக்கழகப் பதிப்பகம் |
வெளியிடப்பட்ட நாள் | ஆகஸ்ட் 2013 |
ஆங்கில வெளியீடு | ஏப்ரல் 15, 2014 |
| ஊடக வகை | கெட்டி அட்டைப் பதிப்பு |
| பக்கங்கள் | 696 |
| ISBN | பன்னாட்டுத் தரப்புத்தக எண் 978-0674430006 |
21ம் நூற்றாண்டில் மூலதனம் (Capital in the Twenty-First Century, பிரெஞ்சு: Le Capital au XXIe siècle) பிரெஞ்சுப் பொருளியலாளர் தாமசு பிக்கெட்டி எழுதிய பொருளியல் நூல். 2013 ஆம் ஆண்டு பிரெஞ்சு மொழியில் வெளியான இந்நூல் ஐரோப்பாவிலும், வட அமெரிக்காவிலும் நிலவும் வருவாய் மற்றும் செல்வச் சமனின்மை குறித்த ஆய்வு நூலாகும். ஆகஸ்ட் 2013 இல் வெளியான பிரெஞ்சுப் பதிப்பு ஆர்த்தர் கோல்ட்ஹாமரால் ஆங்கிலத்தில் மொழிபெயர்க்கப்பட்டு ஏப்ரல் 2014 இல் வெளியானது.[1]
ஹார்வார்ட் பல்கலைக்கழகப் பதிப்பகம் வெளியிட்ட நூல்களில் இதுவே பெரு வெற்றி கண்ட நூலாகும்.[2] தி நியூயார்க் டைம்ஸ் இதழின் அதிக விற்பனையான நூல்களின் பட்டியலில் கெட்டி அட்டை அபுனைவுப் பிரிவில் முதலிடத்தில் பல வாரங்கள் இடம் பெற்றிருந்தது.[3] உலக அளவில் பெரும் வரவேற்பையும், சர்ச்சையையும் ஏற்படுத்தியது. ஜனவரி 2015 வரை இந்நூலின் பதினைந்து லட்சம் படிகள் (ஆங்கில, பிரெஞ்சு, இடாய்ச்சு, எசுப்பானிய, மாண்டரின் பதிப்புகள்) விற்பனையாகியிருந்தன.[4]
முதலீட்டிற்குக் கிட்டும் திரும்பு வீதம் (r) பொருளியல் வளர்ச்சி வீதத்தை (g) விட நெடுங்காலம் கூடுதலாக இருப்பின், செல்வக் குவிப்பு நிகழும் என்பதே இந்நூலின் மையக் கருத்து. இதனால் வருவாய்ச் சமனின்மை அதிகரித்து சமூக, பொருளியல் நிலையின்மைக் கூடும் என்றும் கணிக்கிறது. இந்த நிலை முற்றி உலகச் செல்வத்தின் பெரும் பகுதி எண்ணிக்கையில் மிகக் குறைந்த ஒரு சிறு கூட்டத்தின் கட்டுப்பாட்டில் இருப்பதைத் தவிர்க்க, உலகமெங்கும் வளர்விகித வருமான வரி விதிக்க வேண்டும் என்று பிக்கெட்டி இந்நூலில் பரிந்துரைக்கிறார்.
மேற்கோள்கள்
[தொகு]- ↑ "Piketty's Capital: An Economist's Inequality Ideas Are All the Rage" by Megan McArdle, Bloomberg Businessweek, May 29, 2014
- ↑ Marc Tracy (24 April 2014). Piketty's 'Capital': A Hit That Was, Wasn't, Then Was Again: How the French tome has rocked the tiny Harvard University Press. The New Republic. Retrieved 27 April 2014.
- ↑ "Best Sellers May 18, 2014". த நியூயார்க் டைம்ஸ். 18 May 2014. பார்க்கப்பட்ட நாள் 29 January 2015.
- ↑ "French economist and best-selling author Thomas Piketty on Thursday refused France’s highest honour – the Légion d’Honneur.". France 24. 1 January 2015. http://www.france24.com/en/20150101-best-selling-economist-piketty-refuses-france-top-honour. பார்த்த நாள்: 29 January 2015.