2017 பிபா U-17 உலகக் கோப்பை போட்டி என்பது 17 வது முறையாக நடத்தப்படும் பிபா U-17 உலகக் கோப்பை போட்டியாகும், மேலும் இது இரண்டாண்டுகளுக்கு ஒருமுறை நடத்தப்படும் 17 வயதுக்குட்பட்ட பல்வேறு நாடுகளை சார்ந்த தேசிய அணிகள் போட்டியிடும் ஒரு சர்வதேச ஆண்களுக்கான கால்பந்தாட்ட போட்டியாகும். இந்த முறை போட்டியை நடத்தும் உரிமையை இந்தியாவிற்குக் டிசம்பர் 5, 2013 ஆம் ஆண்டு வழங்கப்பட்டது. இந்தப் போட்டி 6 அக்டோபர் 2017 ஆம் தேதி தொடங்கி 28 அக்டோபர் 2017 தேதி வரை நடைபெறும். இதுவே இந்தியாவில் முதல் முறையாக நடத்தப்படும் எந்தவொரு சர்வதேச கால்பந்தாட்ட போட்டியாகும்.
2017 பிபா U-17 உலகக்கோப்பையை நடத்துவதற்கான தேர்வில் கலந்துகொள்வதற்கான விண்ணப்பம் 28 மே 2013 ஆம் தேதி அன்று அஜர்பைஜான், இந்தியா, அயர்லாந்து குடியரசு மற்றும் உஸ்பெகிஸ்தான் ஆகிய நான்கு நாடுகள் சமர்பித்தன. [1] இதற்கான முடிவை பிபா 15 நவம்பர் 2013 ஆம் தேதி [2] அன்று வெளியிட்டது. அந்த குறிப்பில் இந்தியா போட்டி நடத்துவதற்கான உரிமையை வென்றதாக அறிவிக்கப்பட்டிருந்தது. [3]
போட்டி நடத்தும் நாடு எனபதன் அடிப்படையில் இந்தியா முதல் முறையாக 2017 பிபா U-17 உலகக்கோப்பை போட்டியில் விளையாட வாய்ப்பை பெற்றது. இந்தப் போட்டியில் இந்தியா தவிர்த்து 23 அணிகள் உலகக்கோப்பை போட்டியில் விளையாட தகுதிச் சுற்றுப் போட்டிகள் மூலம் தேர்ந்தெடுக்கப்பட்டுள்ளது.
இந்தியாவுடன் சேர்த்து முதல் முறையாக உலகக்கோப்பை போட்டியில் விளையாட இந்த முறை நியூ கடலோனியா மற்றும் நைஜர் நாடுகள் தகுதி பெற்றுள்ளன்.
இந்த போட்டிகளுக்காக தேர்ந்தெடுக்கப்பட்ட ஆறு இடங்களுக்கு பிபா U-17 உலகக் கோப்பைக்கு முன்னதாக அரங்கங்கள் பெரும் புனரமைப்பு செய்யப்பட்டது. [4] அனைத்து விளையாட்டு அரங்குகளுக்கும் புதிய இருக்கைகள், புதிய உடைமாற்றும் அறைகள், ரசிகர்கள் ஆபத்துகாலத்தில் தப்பிக்க புதிய வழிகள் மற்றும் புதிய பயிற்சி மைதானங்கள் என்று புனரமைப்பு செய்யப்பட்டுள்ளது.
உள்ளூர் அமைப்பாளர்களின் குழு இயக்குனர் ஜாவியர் செபி இவ்வாறு கூறுகிறார், மெதுவாக தொடங்கிய புனரமைப்பு வேலைகள், பின்னர் வேகம் எடுத்து என்றார். மேலும் "கடந்த இரு ஆண்டுகள் எடுத்துக் கொண்ட ஒரு நீண்ட செயல்முறை ஆகும், இந்தியாவில் இது போன்ற விஷயங்களை ஆரம்பிக்க நேரம் எடுக்கிறது ஆனால் செயல்படுத்தும் வேகம் எடுத்தவுடன் விரைவாக செய்து முடிக்கப்படும். அதனால்
திட்டங்களை செயல் படுத்துவதில் நான் எப்போதும் இந்தியாவை ஒரு மிகச் சிறந்து நாடு என்று கூறுவேன் என்றார்" [5]
2016 AFC U-16 சாம்பியன்ஷிப் போட்டியின் போது கோவாவில் 2016 செப்டம்பர் 27 ஆம் தேதி அன்று நடைபெற்ற விழாவில் அதிகாரப்பூர்வ சின்னம் வெளியிடப்பட்டது. [6] பிபாவின் செய்தி வெளியீட்டின் படி இந்த சின்னம் "போட்டி நடத்தும் நாட்டின் பன்முகத்தன்மை கொண்ட கலாச்சாரங்களின் கொண்டாட்டமாக வடிவமைக்கப்பட்டது, இந்திய பெருங்கடலின் முக்கிய கூறுகள், ஆல மரம், காத்தாடி மற்றும் நட்சத்திர தீவு கொண்டதாக வடிவமைக்கப்பட்டது, இது அசோக சக்கர்த்தின் விளக்கமாகும், அசோக சக்ரம் இந்திய தேசிய அடையாளத்தின் ஒரு பகுதியாகும்." [6]
2017 பிபா U-17 உலக கோப்பைக்கான நுழைவுச் சீட்டு விற்பனை தில்லியில் ஒரு விழாவில் மே 16, 2017 அன்று சிறப்பு விருந்தினர் கார்ல்ஸ் பியொல்லால் தொடங்கிவைக்கப்பட்டது. [7] பொது டிக்கட்டுகள் விற்பனை அதிகாரபூர்வமாக 17 மே 2017 அன்று 19:11 மணிக்கு தொடங்கியது. இது 1911 ஆம் ஆண்டில் நடைபெற்ற (IFA Shield) கால்பந்துப் போட்டியில் முதல் முறையாக மோகன் பகான் அணி கிழக்கு யாக்சயர் ரெஜிமன்ட் அணியுடன் வெற்றி பெற்றதான் நினைவுகொள்ளும் வகையில் தொடங்கபட்டது. [7]
2017 பிபா U-17 உலகக்கோப்பை போட்டியில் கலந்துகொள்ளும் ஒவ்வொரு அணியிலும் தலா 21 வீரர்கள் கொண்ட அணியாக இருக்கும். [9] இதில் பங்குபெரும் ஒவ்வொரு தேசிய நாடும் தங்களுது அணியில் விளையாடும் வீரர்கம்ளின் பட்டியலை 21 செப்டம்பர் 2017 குள் வெளியிட வேண்டும். 24ங்கு அணிகளையும் சேர்த்து மொத்தம் 504 வீரர்கள் இந்தப் போட்டியில் பங்குபெருவர். 26 செப்டம்பர் 2017 ஆம் தேதி அன்று பிபா அனைத்து அணிகளின் வீரர்கள் குறித்த விபரங்களை அதிகார பூர்வமாக வெளியிட்டது. [10][11]
ஒவ்வொரு குழுவில் இருந்தும் சிறந்த முதல் இரண்டு இடங்களைப் பிடிக்கும் இரண்டு அணிகள் மற்றும் குழுவில் சிறந்த மூன்றாம் அணிகள் என்ற முதல் நான்கு இடங்களைப் பிடிக்கும் நான்கு அணிகள் மொத்தம் 16 அணிகள் அடுத்தச் சுற்று (சுற்று 16) ஆட்டத்திற்கு தகுதி பெரும். குழுவில் உள்ள ஒவ்வொரு அணியின் நிலை பின்வரும் முறைகளை பயன்படுத்தி வரிசைப்படுத்தப் படுகிறது (ஒழுங்குபடுத்துதலுக்கான கட்டுரை 17.7) [12]
குழுவிற்குள் நடக்கும் அனைத்துப் போட்டிகளில் ஒரு அணியால்,
எடுக்கப்படும் புள்ளிகள்
அடிக்கப்படும் கோல்களின் வித்தியாசம்
அடிக்கப்படும் கோல்களின் மொத்த கூட்டுத்தொகை அல்லது எண்ணிக்கை
பிஃபா 2017 - 17 வயதுக்குட்பட்டோருக்கான உலகக்கோப்பை ஊடகம் மற்றும் ஒளிபரப்பும் உரிமையை 21 செப்டம்பர் 2017 ஆம் தேதி வெளியிட்டது. [15] இந்தியாவிற்கான ஒளிபரப்பும் உரிமையை சோனி டென் (Sony TEN) மற்றும் சோனி ஈஸ்பின் (Sony ESPN) [16] பெற்றது. அமெரிக்காவில் Fox Sports 2 தொலைக்காட்சியும் மற்றும் ஐக்கிய இராச்சியத்தில் Eurosport தொலைக்காட்சியும் பெற்றுள்ளது.[17]