ஸ்ரீவர்தன் தாலுகா

ஸ்ரீவர்தன் தாலுகா, இந்தியாவின் மகாராட்டிரா மாநிலத்தின் ராய்கட் மாவட்டத்தின் 8 தாலுகாக்களில் ஒன்றாகும். இதன் நிர்வாகத் தலைமையிடம் ஸ்ரீவர்தன் நகரம் ஆகும். இத்தாலுகா 1 நகராட்சியும், 1 கணக்கெடுப்பில் உள்ள ஊர் மற்றும் 78 வருவாய் கிராமங்களையும் கொண்டுள்ளது.

மக்கள் தொகை பரம்பல்

2011 இந்திய மக்கள் தொகை கணக்கெடுப்பின் படி, ஸ்ரீவர்தன் தாலுகாவின் மொத்த மக்கள் தொகை 83,027 ஆகும். மக்கள் தொகையில் ஆண்கள் 38,517 மற்றும் பெண்கள் 44,510 ஆக உள்ளனர். பாலின விகிதம் 1000 ஆண்களுக்கு 1,156 பெண்கள் வீதம் உள்ளனர். 6 வயதிற்குட்பட்ட குழந்தைகள் எண்ணிக்கை 9017 - 11% ஆகும். சராசரி எழுத்தறிவு 82.32% ஆகும். மக்கள் தொகையில் பட்டியல் மக்கள் மற்றும் பழங்குடிகள் முறையே 2,467 மற்றும் 9,476 ஆகவுள்ளனர். இதன் மக்கள் தொகையில் இந்துக்கள் 73.24%, இசுலாமியர்கள் 22.8%, பௌத்தர்கள் 3.3%, சமணர்கள் 0.36%, கிறித்துவர்கள் 0.09% மற்றும் பிறர் 0.21% ஆக உள்ளனர்.