சூலை 12
| << | சூலை 2024 | >> | ||||
| ஞா | தி | செ | பு | வி | வெ | ச |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | |||
| MMXXIV | ||||||
சூலை 12 (July 12) கிரிகோரியன் ஆண்டின் 193 ஆம் நாளாகும். நெட்டாண்டுகளில் 194 ஆம் நாள். ஆண்டு முடிவிற்கு மேலும் 172 நாட்கள் உள்ளன.
நிகழ்வுகள்
- 70 – ஆறு மாத முற்றுகையின் பின்னர் டைட்டசின் படையினர் எருசலேமின் சுவர்களைத் தாக்கினர். மூன்று நாட்களின் பின்னர் சுவர்களைத் தகர்த்ததை அடுத்து, இரண்டாம் கோவிலை அவர்களால் அழிக்க முடிந்தது.
- 1191 – மூன்றாவது சிலுவைப் போர்: சலாகுத்தீனின் படையினர் பிரான்சின் இரண்டாம் பிலிப்பிடம் சரணடைந்தனர். பாலத்தீனத்தின் அக்கோ நகர் மீதான 2 ஆண்டுகள் முற்றுகை முடிவுக்கு வந்தது.
- 1543 – இங்கிலாந்தின் எட்டாம் என்றி மன்னர் கேத்தரீன் பார் என்ற தனது 6-வதும், கடைசியுமான மனைவியைத் திருமணம் புரிந்தார்.
- 1561 – மாஸ்கோவின் புனித பசில் பேராலயம் திருமுழுக்குப் பெற்றது.
- 1562 – கத்தோலிக்க ஆயர் தியேகோ டெ லாண்டா மாயாக்களின் பழம்பெரும் நூல்களைத் தீக்கிரையாக்கினார்.
- 1576 – ராஜ்மகால் போரில் வங்காள சுல்தானகத்தை வென்றதை அடுத்து, முகலாயப் பேரரசு வங்காளத்தைக் கைப்பற்றி இணைத்தது.[1]
- 1641 – போர்த்துக்கல்லுக்கும் நெதர்லாந்துக்கும் இடையில் பாதுகாப்பு ஒப்பந்தம் ஏற்படுத்தப்பட்டது.
- 1691 – இங்கிலாந்தின் மூன்றாம் வில்லியமின் இராணுவம் அயர்லாந்தில் ஓகிறிம் என்ற இடத்தில் பெரும் வெற்றி பெற்றது.
- 1776 – கப்டன் ஜேம்ஸ் குக் தனது மூன்றாவது கடற் பயணத்தை ஆரம்பித்தார்.
- 1799 – ரஞ்சித் சிங் லாகூரைத் தனது கட்டுப்பாட்டுக்குள் கொண்டு வந்து பஞ்சாபின் (சீக்கியப் பேரரசு) ஆட்சியைப் பிடித்தார்.
- 1806 – 16 செருமானிய மாநிலங்கள் புனித ரோமப் பேரரசில் இருந்து விலகி ரைன் கூட்டமைப்பு என்ற புதிய அரசை நிறுவின.
- 1898 – செனான் தனிமம் கண்டுபிடிக்கப்பட்டது.
- 1913 – செர்பியப் படையினர் பல்கேரியாவின் விதின் நகரை முற்றுகையிட்டனர்.
- 1918 – சப்பானின் "கவாச்சி" என்ற போர்க்கப்பல் ஒன்சூவில் மூழ்கடிக்கப்பட்டதில் 621 பேர் உயிரிந்தனர்..
- 1920 – சோவியத்-லித்துவேனிய அமைதி ஒப்பந்தம் கையெழுத்திடப்பட்டது. லித்துவேனியாவை சோவியத் ஒன்றியம் தனிநாடாக அங்கீகரித்தது.
- 1943 – இரண்டாம் உலகப் போர்: செருமனிய, சோவியத் படைகள் புரொகோரொவ்கா என்ற இடத்தில் பெரும் சண்டையில் ஈடுபட்டன.
- 1948 – இசுரேலியப் பிரதமர் டேவிட் பென்-குரியன் லோட், இரம்லா நகர்களில் இருந்து பாலத்தீனியர்களை வெளியேற உத்தரவிட்டார்.
- 1961 – கடக்வாசுலா, பான்செத் அணைகளில் ஏற்பட்ட பழுதின் காரணமாக புனேயில் இடம்பெற்ற பெரும் வெள்ளத்தில் மூழ்கி 2,000 பேர் வரை உயிரிழந்தனர்.
- 1967 – அமெரிக்காவின் நுவார்க் நகரில் பெரும் இனக்கலவரம் வெடித்தது. 26 பேர் உயிரிழந்தனர், 700 பேர் காயமடைந்தனர்.
- 1971 – ஆத்திரேலியாவில் தொல்குடியினரின் கொடி முதன் முறையாகப் பறக்கவிடப்பட்டது.
- 1975 – சாவோ தொமே மற்றும் பிரின்சிப்பி போர்த்துக்கல்லிடம் இருந்து விடுதலை பெற்றது.
- 1979 – கிரிபட்டி பிரித்தானியாவிடம் இருந்து விடுதலை பெற்றது.
- 1993 – சப்பானில் 7.8 அளவு நிலநடுக்கம், மற்றும் சுனாமி தாக்கியதில் 202 பேர் உயிரிழந்தனர்.
- 2006 – இஸ்ரேலிய இராணுவத்தினர் இருவரை ஹிஸ்புல்லா இயக்கத்தினர் கடத்தினர். இதனை அடுத்து இஸ்ரேல் லெபனான் மீது தாக்கியதில் பல்லாயிரக்கணக்கானோர் கொல்லப்பட்டனர். லெபனான்-இசுரேலியப் போர் ஆரம்பமானது. போர் ஆகஸ்ட் 14 இல் முடிவுக்கு வந்தது.
- 2007 – அமெரிக்க இராணுவத்தின் அப்பாச்சி உலங்குவானூர்திகள் பகுதாது மீது வான் தாக்குதலை நடத்தின.
- 2007 – வவுனியாவில் இலங்கை வான்படையின் கிபீர் வானூர்தியை விடுதலைப் புலிகள் சுட்டு வீழ்த்தினர்.
- 2012 – சிரிய உள்நாட்டுப் போர்: சிரியாவில் துராய்மீசா கிராமத்தில் இடம்பெற்ற இராணுவ நடவடிக்கையில் 150 பேர் வரை கொல்லப்பட்டனர்.[2]
- 2012 – நைஜீரியாவில் ஒக்கோபி நகரில் எண்ணெய் சுமையுந்து ஒன்று வெடித்ததில் 100 பேர் வரை உயிரிழந்தனர்.
பிறப்புகள்
- கிமு 100 – யூலியசு சீசர், உரோமை அரசியல்வாதி, இராணுவத் தளபதி (இ. கிமு 44)[3]
- 1730 – சோசியா வெட்ச்வூட், ஆங்கிலேய மட்பாண்ட உற்பத்தியாளர் (இ. 1795)
- 1813 – கிளவுட் பெர்னாட், பிரெஞ்சு உடலியங்கியலாளர் (இ. 1878)
- 1817 – கென்றி டேவிட் தூரோ, அமெரிக்க மெய்யியலாளர், எழுத்தாளர் (இ. 1862)
- 1854 – ஜோர்ஜ் ஈஸ்ற்மன், ஈஸ்ட்மேன் கோடாக் நிறுவனர் (இ. 1933)
- 1895 – பக்மினிசிட்டர் ஃபுல்லர், அமெரிக்கக் கட்டிடக் கலைஞர் (இ. 1983)
- 1904 – பாப்லோ நெருடா, நோபல் பரிசு பெற்ற சிலிய எழுத்தாளர் (இ. 1973)
- 1909 – குஞ்சிதம் குருசாமி, திராவிட இயக்கத்தில் ஈடுபட்ட ஒரு பெண் செயற்பாட்டாளர் (இ. 1961)
- 1924 – பிரின்ஸ் குணசேகரா, இலங்கை இடதுசாரி அரசியல்வாதி
- 1928 – மு. அனந்தகிருஷ்ணன், தமிழ் இணையக் கணிமைக்கு சிறந்த பங்களிப்புக்களை வழங்கியவர்
- 1935 – சத்தோசி ஓமுரா, நோபல் பரிசு பெற்ற சப்பானிய மருத்துவர்
- 1938 – ஜெய்சங்கர், தமிழகத் திரைப்பட நடிகர் (இ. 2000)
- 1952 – எசாம் சரஃப், எகிப்திய அரசியல்வாதி
- 1960 – ஏர்ல் குணசேகர, இலங்கை அரசியல்வாதி
- 1961 – சிவ ராஜ்குமார், இந்திய நடிகர், பாடகர்
- 1965 – சஞ்சய் மஞ்ச்ரேக்கர், இந்தியத் துடுப்பாளர்
- 1967 – ஜி. மாரிமுத்து, இந்தியத் திரைப்பட இயக்குநர், நடிகர் (இ. 2023)
- 1975 – நா. முத்துக்குமார், தமிழகத் திரைப்படப் பாடலாசிரியர், கவிஞர் (இ. 2016)
- 1975 – பில் லோர்ட், அமெரிக்கத் திரைப்படத் தயாரிப்பாளர்
- 1978 – மிச்செல் ரோட்ரிக்வெஸ், அமெரிக்க நடிகை
- 1984 – சாமி சைன், கனடிய மற்போர் வீரர்
- 1991 – ஜேம்சு ரொட்ரீகசு, கொலம்பிய கால்பந்து வீரர்
- 1997 – மலாலா யூசப்சையி, அமைதிக்கான நோபல் பரிசு பெற்ற பாக்கித்தானிய செயற்பாட்டாளர்
இறப்புகள்
- 1536 – எராசுமசு, இடச்சு மதகுரு, வானியலாளர் (பி. 1466)
- 1682 – ழீன் பிக்கார்டு, பிரான்சிய மதகுரு, வானியலாளர் (பி. 1620)
- 1804 – அலெக்சாண்டர் ஆமில்டன், அமெரிக்க அரசியல்வாதி (பி. 1755)
- 2006 – உமர் தம்பி, தமிழ் கணிமைக்கு சிறந்த பங்களிப்புக்களை வழங்கியவர் (பி. 1953)
- 2012 – தாரா சிங், இந்திய மற்போர் வீரர், நடிகர் (பி. 1928)
- 2012 – மா. ஆண்டோ பீட்டர், தமிழக எழுத்தாளர், மென்பொருள் உருவாக்குனர் (பி. 1967)
- 2012 – மணி கிருஷ்ணசுவாமி, தமிழக கருநாடக வாய்ப்பாட்டு கலைஞர் (பி. 1930)
- 2013 – பிரான், இந்திய நடிகர் (பி. 1920)
- 2013 – அமர் கோ. போசு, அமெரிக்கத் தொழிலதிபர் (பி. 1929)
சிறப்பு நாள்
- விடுதலை நாள் (கிரிபட்டி, ஐக்கிய இராச்சியத்திடம் இருந்து 1979).
- விடுதலை நாள் (சாவோ தொமே மற்றும் பிரின்சிப்பிம் போர்த்துகலிடம் இருந்து 1975).
மேற்கோள்கள்
- ↑ Richards, John F. (1996). The Mughal Empire. Cambridge University Press. p. 33. பன்னாட்டுத் தரப்புத்தக எண் 978-0-521-56603-2.
- ↑ Morris, Loveday; Vela, Justin (16-07-2012). "Assad troops move on Damascus as massacre toll is cut". The Independent (London). https://www.independent.co.uk/news/world/middle-east/assad-troops-move-on-damascus-as-massacre-toll-is-cut-7945484.html. பார்த்த நாள்: 18-07-2012.
- ↑ There is some dispute over the year of Caesar's birth. Some scholars have made a case for 101 or 102 BC as the year of his birth, based on the dates that he held certain magistracies, but scholarly consensus favors 100 BC. Similarly, some scholars prefer 12 July for the day of his birth, but others give 13 July. Goldsworthy, p. 30, Ward, Heichelheim, & Yeo p. 194. For a source arguing for 12 July, see Badian in Griffin (ed.) p.16
வெளி இணைப்புகள்
