கட்டடக்கலை ஒளிப்படவியல்
கட்டடக்கலை ஒளிப்படவியல் அல்லது கட்டிடக்கலை ஒளிப்படம் (Architectural photography) எடுத்தல் என்பது புகைப்படத் துறையின் ஒரு துணை வகையாகும், இதில் முதன்மை முக்கியத்துவம் கட்டிடங்கள் மற்றும் அதை ஒத்த கட்டிடக்கலை கட்டமைப்புகளின் புகைப்படங்களைப் கைப்பற்றுவதில் செலுத்தப்படுகிறது, பொதுவாக அவை அழகியல் ரீதியாகவும் துல்லியமாகவும் இருக்க, கட்டிடக்கலை புகைப்படக் கலைஞர்கள் சிறப்பு உபகரணங்கள், நுட்பங்கள் மற்றும் ஒளிப்படக்கருவிகளைப் பயன்படுத்தி இத்தகைய சிறப்பு புகைப்படங்களை உருவாக்குவதில் திறமையைக் காட்டுகிறார்கள். கட்டடக்கலை என்பது வானளாவிய கட்டடங்கள் முதல் குடில்கள் வரை அனைத்தையும் உள்ளடக்கியது. நாம் செல்லும் எல்லா இடங்களிலும், நாம் தினமும் ஏதோ ஒரு வகையான கட்டடக்கலையால் சூழப்பட்டிருக்கிறோம். இதன் காரணமாக, ஒளிபடக் கலையில் கட்டடக்கலை மிகவும் பிரபலமான ஒன்றாக இருப்பதில் ஆச்சரியமில்லை.[1]
வரலாறு
[தொகு]யோசெப் நிசிபோர் நியெப்சு எடுத்த முதல் நிரந்தர ஒளிப்படம், சாளரத்தினூடாகத் தெரியும் ஒரு காட்சி, அது கட்டடங்களின் காட்சியாக இருந்ததால் முதல் கட்டடக்கலை புகைப்படமாக கூறப்படுகிறது. இதேபோல், ஆரம்பகால ஒளிப்படக் கலைஞரான வில்லியம் என்றி பாக்சு டால்போட் எடுத்த ஒளிப்படங்கள் கட்டிடக்கலை பற்றியவை, மேலும் இதில் 1835 இல் எடுக்கப்பட்ட லாகாக் அபேயில் உள்ள ஒரு லேட்டிசுடு சாளரத்தின் ஒளிப்படமும் அடங்கும்.[2]
ஒளிப்படக் கலையின் வரலாறு முழுவதும், கட்டடங்கள் உள்ளிட்ட கட்டடக்கலை கட்டமைப்புகள் மிகவும் மதிப்புமிக்க புகைப்படப் பொருட்களாக இருந்து வருகின்றன, இது கட்டடக்கலை மற்றும் அதன் கலாச்சார முக்கியத்துவத்தின் மீதான சமூகத்தின் பாராட்டைப் பிரதிபலிக்கிறது. 1860களில், கட்டிடக்கலை புகைப்படம் எடுத்தல் ஒரு நிறுவப்பட்ட காட்சி ஊடகமாக மாறத் தொடங்கியது.
கட்டட வடிவமைப்புகள் பாரம்பரிய வடிவங்களுடன் உருமாறியதால், கட்டடக்கலை ஒளிப்படக் கலையும் காலப்போக்கில் பரிணமித்தது. 20 ஆம் நூற்றாண்டின் முற்பகுதி முதல் நடுப்பகுதி வரை, ஒளிப்படக் கலைஞர்கள் தங்கள் கலவைகளில் மூலைவிட்டக் கோடுகள் மற்றும் தடித்த நிழல்களைப் பயன்படுத்தினர், மேலும் பிற புதுமையான நுட்பங்களையம் பரிசோதித்தனர், இதனால் கட்டடக்கலை ஒளிப்படம் எடுத்தல் மிகவும் ஆக்கப்பூர்வமாக மாறியது.[3]
1950களின் முற்பகுதியில், கட்டடக் கலைஞர்கள் அதிக ஒளிப்படக் கலைஞர்களை நியமிக்கப்பட்ட பணிகளுக்கு பணியமர்த்தத் தொடங்கினர், இதன் விளைவாக கட்டடக்கலை ஒளிப்படம் எடுத்தலில் முன்பு கருதப்பட்டதை விடவும் ஒரு கலை வடிவமாகவே பார்க்கப்பட்டது.[4]
மேற்கோள்கள்
[தொகு]- ↑ "Has Architectural Photography Changed the Way Architecture is Perceived Today? - Keywords: Architecture, Architectural Photography 1. Introduction" (PDF). Style Guide. sanjeevbumb.com.
- ↑ "History of Photography - byAkram Mohammed - Page:14". Style Guide. www.scribd.com.
- ↑ "Architectural Photography In Sydney By Upload Media Services". Style Guide. uploadit.com.au - By Admin.
- ↑ Lowe, Jim (2006). Architectural Photography. Lewes, East Sussex, UK: Photographers Institute Press. ISBN 1-86108-447-1.
