விக்கிப்பீடியா:பங்களிப்பாளர் அறிமுகம்/Profvk
Appearance
பேராசிரியர். கிருஷ்ணமூர்த்தி, கணிதப்பேராசிரியராக 40 ஆண்டுகாலம் பணியாற்றி ஓய்வு பெற்றவர். கணிதம், ஆன்மிகம் முதலிய தலைப்புகளில் 2007ஆம் ஆண்டு முதல் தமிழ் விக்கிப்பீடியாவுக்குப் பங்களித்து வருகிறார். இடவியல், வரிசைமாற்றம், கார்ல் ஃப்ரெடெரிக் காஸ், வைணவம் கட்டுரைகள் போன்று ஆழமான நூற்றுக்கு மேற்பட்ட கட்டுரைகளை இவர் விக்கிக்கு அளித்துள்ளார். இவர் பிர்லா அறிவியல் நுட்பவியல் கழகம் (BITS பிலானி), அமெரிக்காவிலுள்ள இல்லினாய் பல்கலைக்கழகம், தமிழ்நாட்டில் மதுரை தியாகராசர் கல்லூரி, சிதம்பரம் அண்ணாமலை பல்கலைக்கழகம் ஆகியவற்றில் ஆசிரியராக இருந்துள்ளார். அண்ணாமலை பல்கலைக்கழகத்தில் தனது முனைவர் பட்டத்தைப் பெற்றார். தமிழ் விக்கிப்பீடியாவிற்கு எல்லோரும் ஏன் பங்களிக்க வேண்டும் என விக்கி பட்டறைக்கு அவர் வழங்கிய உரையை இங்கு படிக்கலாம்.