விக்கிப்பீடியா:பங்களிப்பாளர் அறிமுகம்/அருணன் கபிலன்

அருணன், புதுச்சேரியில் உள்ள கல்லூரி ஒன்றில் தமிழ்த்துறைப் பேராசிரியராக பணியாற்றி வருகிறார். புகைப்படக் கலையிலும், ஆவணப்படங்கள் இயக்குவதிலும் ஈடுபாடு மிக்கவர். காந்தியம், தமிழ் மற்றும் தமிழர் மரபு, வரலாறு, பண்பாடு, கலை, இலக்கியம் தொடர்பான பதிவுகளை விக்கிப்பீடியாவுக்கு அளித்து வருகிறார். தமிழ் விக்கிப்பீடியா ஊடகப் போட்டியில் தொடர் பங்களிப்பாளர் பரிசு பெற்றவர். பறம்புமலை பெருமுக்கல், ஆரோவில், சத்தியசோதனை ஆகியன இவர் உருவாக்கிய குறிப்பிடத் தகுந்த சில கட்டுரைகள்.