விக்கிப்பீடியா:தொடர்-தொகுப்பு 2024

தொடர்-தொகுப்பு நிகழ்வு ஒன்றினை தமிழ் விக்கிப்பீடியாவில் 2024 ஆம் ஆண்டில் நடத்துவதற்கான திட்டப் பக்கம்.

நோக்கம்[தொகு]

தொடர்பங்களிப்பாளர்கள் நேரில் ஒன்றுகூடி, கவனக்குவியம் பெற்ற தொகுத்தல் பணிகளைச் செய்தல். இரண்டு தொடர்ச்சியான நாட்களுக்கு இப்பணிகள் நடைபெறும்.

ஒரு குறிப்பிட்டப் பணியை செய்து முடிப்பதற்கான செயல்வழியை (strategy) கலந்தாலோசித்து முடிவு செய்ய வேண்டும்.
முடிவு செய்த செயல்வழியைப் பயன்படுத்தி, செம்மைப்படுத்துதலை அங்கேயே செய்து பார்க்க வேண்டும்.
பெற்ற அனுபவத்தின் அடிப்படையில், செம்மைப்படுத்தும் பணியினை தொடர்ந்து செய்து இலக்குகளை எட்டுதல்.

இந்தியாவில் வாழும் பயனர்கள், தமது பயணத்திற்கான ஏற்பாடுகளை தாமே செய்துகொள்ள வேண்டும். அதற்குரியச் செலவுகள் மதிப்பூதியத்தில் உள்ளடங்கும்.
இலங்கைப் பயனரின் வானூர்திப் பயணத்திற்குரிய ஏற்பாட்டை நிகழ்வு ஒருங்கிணைப்பாளர்கள் செய்து தருவர். இலங்கையில் தேவைப்படும் பயண ஏற்பாடுகள், விசா, இந்தியாவில் தேவைப்படும் பயண ஏற்பாடுகள் ஆகியவற்றை பயனர் தானே செய்துகொள்வார். இவற்றிற்கான செலவுகள் மதிப்பூதியத்தில் உள்ளடங்கும்.
பயனர்கள் தமது மடிக்கணினியைக் கொண்டு வர வேண்டும்.

சூன் 1 அன்று, நிதிநல்கைக்கான கோரிக்கை தாக்கல் செய்யப்பட்டது. விவரங்களுக்கு, காண்க: செலவுத் திட்ட மதிப்பீடு

4 விடுதிகள் கவனத்திற் கொள்ளப்பட்டுள்ளன. நிதியை வழங்குவதற்கு ஒப்புதல் கிடைத்த பிறகு, உகந்த விடுதி தெரிவு செய்யப்படும்.

நிதியை வழங்குவதற்கு ஒப்புதல் கிடைத்த பிறகு, நிகழ்வில் கலந்துகொள்வதற்கான பதிவு செய்தல் ஆரம்பிக்கப்படும்.