மூன்றாம் கனிஷ்கன்

மூன்றாம் கனிஷ்கன்
குசானப் பேரரசர்
மூன்றாம் கனிஷ்கனின் நாணயங்கள் சுமார் 267–270 பொ.ச.. பின்பக்கம்: இடதுபுறம் திரிசூலம் ஏந்தி கனிஷ்க மன்னன் ஒரு பலிபீடத்தின் மீது நிற்கிறார். பிராமி எழுத்துமுறையில் "அரசருக்கெல்லாம் அரசன், குசான கனிஷ்கன்". பின்பக்கம்: சிவன் எனக் கருதப்படும் "ஓசோ", மாலை அல்லது வைரம், திரிசூல செங்கோலைப் பிடித்துக் கொண்டு நிற்கிறது. பின்னால், காளை (நந்தி) இடதுபுறமாக நிற்கிறது.
ஆட்சிக்காலம்	தோராயமாக 265 – 270 பொ.ச.
முன்னையவர்	வசிஷ்கன்
பின்னையவர்	இரண்டாம் வாசுதேவன்

ஆரா, பாக்கித்தான்

class=notpageimage|

மூன்றாம் கனிஷ்கரின் ஆரா கல்வெட்டு அமைந்துள்ள இடம்

மூன்றாம் கனிஷ்கன் ( Kanishka III ), 265 பொ.ச. முதல் 270 பொ.ச. வரை ஆட்சி செய்த குசானப் பேரரசர் ஆவார். இவர் வசிஷ்கனுக்கும், இரண்டாம் வாசுதேவனுக்கும் பிறகு ஆட்சிக்கு வந்ததாக நம்பப்படுகிறது. இவர் வடமேற்கு இந்தியப் பகுதிகளில் ஆட்சி செய்தார்.

கல்வெட்டுகள்

பஞ்சாபில் ஆரா ஆற்றின் எல்லையில் கண்டுபிடிக்கப்பட்ட "ஆட்சியாண்டு 41" தேதியிட்ட கல்வெட்டில் (அநேகமாக கனிஷ்கர் சகாப்தத்தின் 2 ஆம் நூற்றாண்டு) இவர், மகாராஜா ராஜாதிராஜா தேவபுத்திர கைசர கனிஷ்கா ("பெரிய மன்னன், அரசருக்கெல்லாம் அரசன்" ,கடவுளின் மகன், சீசர், கனிஷ்கர்) என்றெல்லாம் தன்னை தகுதிப்படுத்திக் கொள்கிறார். கைசரா என்பது உரோமானியப் பேரரசின் "சீசர்" எனக் கொள்ளலாம். மேலும் குசான ஆட்சியாளர் வசிஷ்கன் என அடையாளம் காணப்பட்ட வஜேஷ்காவின் மகன் என்று தன்னைப் பெயரிட்டுக் கொள்கிறார். கல்வெட்டு மிகவும் தேய்ந்து கிடக்கிறது. மேலும், 'கைசராவை' வாசிப்பது சந்தேகத்திற்குரியது. குறிப்பாக இந்த தலைப்பைப் பற்றிய வேறு குறிப்புகள் குசான ஆதாரங்களில் இருந்து அறியப்படவில்லை.

41-ஆம் ஆட்சியாண்டின் ஆரா கல்வெட்டு

தேய்ந்திருக்கும் கல்வெட்டு. கரோஷ்டி எழுத்துமுறை வலமிருந்து இடமாக வாசிக்கப்படுகிறது.

ஒலிபெயர்ப்பும் ஆங்கில மொழிபெயர்ப்பும்.

மிகவும் சேதமடைந்த "சீசர்" பகுதியும் அதன் முன்மொழியப்பட்ட வாசிப்பும்

கரோஷ்டி எழுத்துமுறையில் "மகாராஜா ராஜாதிராஜா தேவபுத்ர கைசர கனிஷ்கா" ("பெரிய ராஜா, அரசர்களின் ராஜா, கடவுளின் மகன், சீசர், கனிஷ்கா) என்ற தலைப்பில் மூன்றாம் கனிஷ்கரின் ஆரா கல்வெட்டு.

நாணயம்

நாணயங்களில் பெயரிடப்பட்ட "கனிஷ்கர்" வேறுபடுத்தப்படாததால், இவரைப் பற்றிய திட்டவட்டமான நாணயங்கள் எதுவும் தெரியவில்லை. மற்ற அறியப்பட்ட ஆட்சியாளர்களுடன் தொடர்புடைய வேலைத்திறன் மற்றும் வரைகலை பாணி மட்டுமே, இந்த பிற்கால கனிஷ்கருக்குக் கற்பிதத்தை பரிந்துரைக்கின்றன.