மாலத்தீவின் உணவுகள்

சூரை, பல உணவுகளில் அத்தியாவசிய பொருட்களில் ஒன்று.

மாலத்தீவின் வெவ்வேறு கறிகள் மற்றும் பரோட்டா.

மாலத்தீவின் சுவையான தின்பண்டங்கள்

மாலத்தீவின் உணவுகள் (ஆங்கிலம்:Maldivian cuisine) மாலத்தீவின் உணவு வகைகள் திவேஹி உணவு எனப்படுகிறது. இது மாலத்தீவு மற்றும் மினிக்காய், இந்தியா ஆகிய மூன்று இடங்களிலும் காணப்படுகிறது. மாலத்தீவின் பாரம்பரிய உணவு மூன்று முக்கிய பொருட்கள் மற்றும் அவற்றின் வழித்தோன்றல்களான தேங்காய், மீன் மற்றும் மாவுச்சத்து அடிப்படையாகக் கொண்டது. .

தேங்காய்

தேங்காய் அரைத்த வடிவத்தில் பயன்படுத்தப்படுகிறது, தேங்காயிலிருந்து தேங்காய் பால் பிழிந்தெடுக்கப்படுகிறது, அல்லது ஆழமான வறுத்த உணவுகளில் தேங்காய் எண்ணெயாக பயன்படுத்தப்படுகிறது. தேங்காயை அரைக்கப் பயன்படுத்தப்படும் பாரம்பரிய மாலத்தீவின் நடைமுறை கூனிகொண்டி என அழைக்கப்படுகிறது. துரு பிடிக்காத இரும்பினால் செய்யப்பட்ட ஒரு கத்தியைக் கொண்டு தேங்காயை பிரிந்திடுப்பார்கள். அதை அரவை இயந்திரத்தில் அரைத்து தேங்காய் பாலைத் தனியே பிரித்தெடுத்து அதை உணவு வகைகளில் பயன்படுத்துகிறார்கள. அரைத்த தேங்காய் பால் மாஸ் கூனி எனப்படும் காலை உணவுகளில் மீன்களுடன் பயன்படுத்தி சமைக்கப்படுகிறது.

அரைத்த தேங்காய் பால்( காஷி கீ ) என்று அழைக்கப்படுகிறது. பல மாலத்தீவு கறிகள் மற்றும் பிற உணவுகளில் தேங்காய் பால் ஒரு முக்கிய அங்கமாகும்.

மீன்

இங்கு மீன் என்பது சூரை எனப்படும் மீன்வகைகள் அதிகம் காணப்படுவதால் உணவில் அதிகம் காணப்படுகிறது.. உணவில் உலர்ந்த அல்லது புதிய மீன்களை செர்த்து சமிப்பது வழக்கம். சராசரி மாலத்தீவின் உணவில் இப்பகுதியில் இருக்கும் பிற ஒத்த மீன் இனங்களான சிறிய உணவிற்குப் பயன்படும் பெரிய மீன் (லாட்டி), எல்லோபின் சுரா போர்க்கப்பல் சூரை, பிக்கேய் சிகேட், வாகூ, அயிலை மற்றும் கானாங்கெளுத்தி. போன்ற மீன்வகைகள் பயன்படுத்தப்படுகிறது. இவற்றை வேகவைத்த அல்லது பதப்படுத்தியும் சமைக்கப்படுகிறது.

பதப்படுத்தப்பட்ட இடுனா ( மாலத்தீவு மீன் ) துண்டுகளாக அல்லது செதில்களை நீக்கியும் பயன்படுத்தப்படுகிறது. தேங்காய், வெங்காயம் மற்றும் மிளகாய் கலந்து தயாரிக்கப்படுகிறது. இது மாலத்தீவின் முக்கியமான ஒரு காலை உணவுப் பொருளாகும், இது "மாஸ் கூனி" என அழைக்கப்படுகிறது. பசிபிக் தீவுவாசிகளைப் போலல்லாமல், மாலத்தீவு மக்களுக்கு பச்சையாக மீன் சாப்பிடும் பாரம்பரியம் இல்லை.

இருகாகுரு எனப்படும் இடுனாவை அடிப்படையாகக் கொண்ட தடிமனான பழுப்பு நிற பசையும் மாலத்தீவு உணவுகளில் இன்றியமையாத பொருளாகும்.

மாவுச்சத்து பொருட்கள்

இவை அரிசி போன்ற மாவுகள், அவை வேகவைத்த கிழங்குகளை மாவாக உருட்டி உண்ணப்படுகின்றன. இவற்ரில் கிழங்கு, இனிப்பு உருளைக்கிழங்கு, மற்றும் மரவள்ளி போன்ற கிழங்குகளும், அதே போல் கொட்டைப் பலாக்காய் அல்லது ஸ்க்ரூபைன் (காஷிகேயோ ). கிழங்குகளும் கலந்து ரொட்டியுடன் வேகவைக்கப்படுகின்றன. மேலும் இஸ்க்ரூபைன் பழம் பெரும்பாலும் மெல்லிய துண்டுகளாக வெட்டப்பட்ட பிறகு பச்சையாக சாப்பிடப்படுகிறது

கறியில்

மாலத்தீவின் உணவு வகைகளில் மிக முக்கியமான கறி துண்டுகளாக்கப்பட்ட புதிய சூரையுடன் சமைக்கப்படுகிறது, இது மாஸ் ரிகா என்று அழைக்கப்படுகிறது . குக்குல்கீ ரிகா ( கோழிக் கறி ) மசாலாப் பொருட்களின் வித்தியாசமான கலவையுடன் சமைக்கப்படுகிறது.

மாலத்தீவில் காய்கறி உணவில் கத்தரி, பீர்க்கு, பூசணி , புடலை மற்றும் முருங்கை , அதே போல் பழுக்காத வாழைப்பழங்கள் மற்றும் சில இலைகளும் போன்றவைகள் தங்கள் உணவில் சேர்க்கப்படுகிறது. காய்கறி கறிக்கு ஒரு குறிப்பிட்ட சுவையை அளிக்க மாலத்தீவு மீன்களின் துண்டுகளையும் பொதுவாக சேர்க்கப்படுகின்றன. கறிவேப்பிலையை வழக்கமாக வேகவைத்த அரிசியுடன் அல்லது சப்பாத்தியுடன் சாப்பிடுவார்கள்.