பாபு ராம்
| உதவிக் காவல் ஆய்வாளர் பாபு ராம் அசோகச் சக்கர விருது | |
|---|---|
| சம்மு மற்றும் காசுமீர் காவல்துறை | |
| 15 மே 1972 – 29 ஆகத்து 2020 (அகவை 48) | |
| பிறந்தயிடம் | தாரணா, பூஞ்ச் மாவட்டம், சம்மு காசுமீர், இந்தியா[1] |
| உயிரிழந்தயிடம் | பாந்தா சௌக், சிறிநகர், சம்மு காசுமீர் |
| பணியிலிருந்த ஆண்டுகள் | 1999–2020 |
| தரம் |  உதவி காவல் ஆய்வாளர் |
| விருதுகள் |  அசோகச் சக்கர விருது |
பாபு ராம் (Babu Ram) சம்மு மற்றும் காசுமீர் காவல்துறையில் பணிபுரிந்த உதவிக் காவல் ஆய்வாளர் ஆவார். சிறீநகரில் உள்ள சிறப்பு நடவடிக்கைக் குழுவில் இவர் காவல்துறை அதிகாரியாக இருந்தார். இவரது இறப்பிற்குப் பிறகு மிக உயர்ந்த வீர விருதான அசோகச் சக்கர விருது வழங்கப்பட்டது.[2][3] [4][5]
ஆரம்பகால வாழ்க்கை
[தொகு]பாபு ராம் 1972 ஆம் ஆண்டு மே மாதம் 15 ஆம் தேதி சம்மு பிராந்தியத்தின் மெந்தர் மாவட்டத்தின் பூஞ்ச் மாவட்டத்திலுள்ள தாரணா கிராமத்தில் பிறந்தார். சிறு வயதிலிருந்தே ஆயுதப் படையில் சேர விரும்பினார்.[1][5]
காவல் துறை வாழ்க்கை
[தொகு]கல்வியை முடித்த பிறகு, 1999 ஆம் ஆண்டு சம்மு காசுமீர் காவல்துறையில் காவலராக நியமிக்கப்பட்டார். 2002 ஆம் ஆண்டு சூலை மாதம் 27 அன்று, சிறீநகரில் உள்ள சிறப்பு நடவடிக்கைக் குழுவில் நியமிக்கப்பட்டார். அங்கு இவர் ஏராளமான பயங்கரவாத எதிர்ப்பு நடவடிக்கைகளில் பங்கேற்றார். அதில் பல தீவிர பயங்கரவாதிகள் கொல்லப்பட்டனர்.[6] கிளர்ச்சி எதிர்ப்புப் பிரிவில் இவர் பணியாற்றிய காலத்தில் கொல்லப்பட்ட 28 பயங்கரவாதிகள் போரில் 14 போர்களில் பங்கேற்றார்.[7]
பாபு ராம் பயங்கரவாத எதிர்ப்பு நடவடிக்கைகளில் அடிக்கடி முன்னணியில் இருந்தார். மேலும் இவரது துணிச்சல் மற்றும் கடமையுணர்ச்சிக்காக இவருக்கு முன்கூட்டியே பதவி உயர்வு கிடைத்தது.[8]
தீவிரவாத எதிர்ப்பு நடவடிக்கைகள்
[தொகு]சம்மு காசுமீர் காவல்துறை அதிகாரிகளும் பாதுகாப்புப் படையினரும் பந்தா-சௌக் வழியாகச் செல்லும் வாகனங்களைச் சோதனை செய்து கொண்டிருந்தனர். மூன்று பயங்கரவாதிகள் ஒரு இருசக்கர வாகனத்தில் வந்து நெடுஞ்சாலையில் நின்று கொண்டிருந்த ஒரு துணை இராணுவப் படை வீரரைத் தாக்கி, அவரது ஆயுதத்தை எடுத்துக்கொண்டு, காவல்துறை மற்றும் பாதுகாப்புப் படையினரை நோக்கி கண்மூடித்தனமாக துப்பாக்கிச் சூடு நடத்தினர். தாக்குதலுக்குப் பிறகு, பயங்கரவாதிகள் பந்தா-சௌக்கில் உள்ள தோபி மொகல்லாவுக்குள் (சலவை தொழிலாளர்கள் பகுதி ) நுழைந்தனர். உடனடியாக, அந்தப் பகுதி சுற்றி வளைக்கப்பட்டு தேடுதல் நடவடிக்கை தொடங்கப்பட்டது. பதுங்கியிருந்த பயங்கரவாதிகளுக்கு எதிராகத் தாக்குதலைத் தொடங்கிய முன்னேறிய குழுவில் பாபு ராம் இருந்தார். பின்னர் பயங்கரவாதிகள் கூட்டுத் தேடுதல் குழுவை நோக்கி துப்பாக்கிச் சூடு நடத்தினர். இது ஒரு மோதலைத் தூண்டியது. பயங்கரவாதிகளில் ஒரு கமாண்டர் உட்பட மூன்று லசுக்கர்-ஏ-தொய்பா பயங்கரவாதிகள் கொல்லப்பட்டனர். இருப்பினும், இந்த மோதலில் பாபு ராம் கொல்லப்பட்டார்.[9][10][11]
அசோகச் சக்கர விருது
[தொகு]இந்தியாவின் 75 ஆவது சுதந்திர தினத்தன்று, அப்போதைய இந்தியக் குடியரசுத் தலைவர் ராம்நாத் கோவிந்த்,பாபு ராமின் அபரிதமான துணிச்சல், அர்ப்பணிப்பு மற்றும் கடமையுணர்ச்சியைப் பாராட்டி அசோகச் சக்கர விருதினை வழங்கினார்.[12] [13] இந்த விருதை பாபுராமின் மரணத்திற்குப் பின் 2022 ஆம் ஆண்டு குடியரசு தினத்தன்று இந்தியக் குடியரசுத் தலைவர் அவரது குடும்பத்தினருக்கு வழங்கினார்.
மேற்கோள்கள்
[தொகு]- ↑ 1.0 1.1 "J&K Cop Babu Ram Conferred With Ashok Chakra Posthumously". Press Trust of India. 15 August 2021. https://www.ndtv.com/india-news/j-k-cop-babu-ram-conferred-with-ashok-chakra-posthumously-2510645.
- ↑ "In a first, J&K Police gets all three top peacetime gallantry awards". The Indian Express (in ஆங்கிலம்). 2021-08-15. Retrieved 2021-08-16.
- ↑ Abrol, Vikash. "Jammu Kashmir: इतने वीर थे शहीद ASI Babu Ram, 14 मुठभेड़ों में 28 दुर्दांत आतंकी कमांडरों को मार गिराया". Dainik Jagran (in இந்தி). Retrieved 2021-08-21.
- ↑ "Jammu and Kashmir Police personnel awarded top gallantry awards, including Ashok Chakra". Hindustan Times (in ஆங்கிலம்). 2021-08-14. Retrieved 2021-08-21.
- ↑ 5.0 5.1 "ASI in JK Police Babu Ram gets India's highest peacetime gallantry award Ashoka Chakra". The Tribune. பிரஸ் டிரஸ்ட் ஆப் இந்தியா. 14 August 2021 இம் மூலத்தில் இருந்து 28 February 2024 அன்று. பரணிடப்பட்டது.. https://archive.today/20240228194159/https://www.tribuneindia.com/news/j-k/asi-in-jk-police-babu-ram-gets-indias-highest-peacetime-gallantry-award-ashoka-chakra-297604.
- ↑ Ani (2021-08-15). "Jammu and Kashmir Police to receive Ashok Chakra, Kirti Chakra, Shaurya Chakra together this year | english.lokmat.com". Lokmat English (in ஆங்கிலம்). Retrieved 2021-08-21.
- ↑ Service, Tribune News. "ASI in JK Police Babu Ram gets India's highest peacetime gallantry award Ashoka Chakra". Tribuneindia News Service (in ஆங்கிலம்). Retrieved 2021-08-16.
- ↑ "'Will join army and fight to end terror in Kashmir': 15-year-old son of ASI killed in anti-terror opps". Deccan Herald (in ஆங்கிலம்). 2020-08-31. Retrieved 2021-08-16.
- ↑ "J&K cop honoured posthumously with Ashoka Chakra - India's highest peacetime gallantry award". India Today (in ஆங்கிலம்). 14 August 2021. Retrieved 2021-08-16.
- ↑ "Babu Ram, J&K Cop Conferred with Ashok Chakra Posthumously, Was Part of 14 Encounters". News18 (in ஆங்கிலம்). 2021-08-14. Retrieved 2021-08-16.
- ↑ "Wreath laying ceremony of ASI Babu Ram performed in Srinagar". www.zee5.com. Retrieved 2021-08-21.
- ↑ "List of honours & awards approved by President Shri Ram Nath Kovind on the eve of Independence Day 2021". pib.gov.in. Retrieved 2021-08-16.
- ↑ Excelsior, Daily (2021-08-16). "Valour of martyr ASI Babu Ram recognized by awarding Ashoka Chakra: Family". Jammu Kashmir Latest News | Tourism | Breaking News J&K (in அமெரிக்க ஆங்கிலம்). Retrieved 2021-08-21.
ASI Babu RAM Biography in Hindi - https://hindiyojna.in/asi-babu-ram-biography-in-hindi/ பரணிடப்பட்டது 28 சனவரி 2022 at the வந்தவழி இயந்திரம்