நெருஞ்சி

நெருஞ்சி Tribulus terrestris
இலைகளும் பூவும்
காப்பு நிலை
Secure
உயிரியல் வகைப்பாடு
திணை:	தாவரம்
பிரிவு:	பூக்கும் தாவரம்
வகுப்பு:	Magnoliopsida
வரிசை:	Zygophyllales
குடும்பம்:	Zygophyllaceae
பேரினம்:	Tribulus
இனம்:	T. terrestris
இருசொற் பெயரீடு
Tribulus terrestris லின்னேயசு

நெருஞ்சி அல்லது செப்புநெருஞ்சில் (Tribulus terrestris; Caltrop) ஒரு மருத்துவ மூலிகைக் கொடியாகும். நிலத்தில் படர்ந்து வளரும் இதன் வேர் நன்கு பரந்து ஆழமாகச் சென்றிருக்கும். இது இந்தியா, இலங்கை போன்ற நாடுகளில் காணப்படுகிறது. நெருஞ்சியின் இலை, பூ, காய், வேர் ஆகிய அனைத்துமே மருத்துவப் பயன்பாடு உடையன.

நெருஞ்சிமுள் செடியில் இருக்கும் காட்சி

Tribulus terrestris

பெயர்கள்

இதற்கு நெருஞ்சில், திரிகண்டம், நெருஞ்சிப்புதும், சுவதட்டம், கோகண்டம், காமரசி, கிட்டிரம், சுதம் போன்ற வேறு பெயர்களும் உண்டு. யானையின் பாதங்களைத் துளைத்து, அதைத் தலை வணங்கச் செய்வதால் ‘யானை வணங்கி’ என்ற பெயரும், காமத்தைப் பெருக்கும் தன்மை இருப்பதால், ‘காமரசி’ எனும் பெயரும் இதற்கு உள்ளன.

விளக்கம்

நெருஞ்சிலானது மண் தரையில் பசுமையாகப் படரும் முட்கள் கொண்ட தரைபடர் செடியாகும். இந்தத் தாவரம் முழுவதிலும் வெண்ணிற ரோம வளரிகள் காணப்படும். மலர்கள் மஞ்சள் நிறத்தில் தோற்றமளிக்கும்.