தில்லி மகளிர் ஆணையம்
தில்லி மகளிர் ஆணையம் (Delhi Commission for Women) என்பது தில்லி அரசின் சட்டப்பூர்வமான அமைப்பாகும். இந்த அமைப்பு, அரசியலமைப்பு மற்றும் தில்லி அரசின் பிற சட்டங்களின் கீழ் பெண்களின் பாதுகாப்பு மற்றும் பாதுகாப்பு தொடர்பான அனைத்து விடயங்களையும் ஆராய்ந்து ஆய்வு செய்ய அமைக்கப்பட்டது.[1]
தில்லி மகளிர் ஆணையத்தின் தற்போதைய தலைவி சுவாதி மாலிவால் ஆவார். இவர் 29 ஜூலை 2015 அன்று பொறுப்பேற்றார்.[2][3]
வரலாறு
[தொகு]தில்லி மகளிர் ஆணையம் 1994ஆம் ஆண்டில் தில்லி அரசாங்கத்தால் தில்லி மகளிர் ஆணையச் சட்டம், 1994இன் கீழ் அமைக்கப்பட்டது. இது 1996இல் செயல்படத் தொடங்கியது. ஆணைக்குழுவின் முதன்மை பணியாக, அரசியலமைப்பு மற்றும் பிற சட்டங்களின் கீழ் பெண்களுக்கு வழங்கப்படும் பாதுகாப்பு மற்றும் பாதுகாப்பு தொடர்பான அனைத்து விடயங்களின் விசாரணை மற்றும் ஆய்வு ஆகும். இந்த ஆணையம் சட்டங்களைத் திறம்படச் செயல்படுத்தவும், தில்லியில் பெண்களின் நிலையை மேம்படுத்தவும் பரிந்துரைகளை வழங்கவும் உறுதி பூண்டுள்ளது.[1]
அமைப்பு
[தொகு]தில்லி மகளிர் ஆணையச் சட்டத்தின்படி,[4] இந்த அமைப்பானது:
- பெண், பெண்களின் மேம்பாட்டிற்காக அர்ப்பணிப்புடன் செயல்பட்டவர் ஒருவர் தலைவராக, அரசாங்கத்தால் பரிந்துரைக்கப்படுவார்.
- பெண்கள் மற்றும் நல்வாழ்வு, நிர்வாக பொருளாதார மேம்பாடு, சுகாதாரக் கல்வி அல்லது சமூக நலன் ஆகிய துறைகளில் குறைந்தது 10 வருடத்திற்கும் குறையாத அனுபவம் உடைய நபர்கள் ஐந்து பேர் உறுப்பினர்களாக இருப்பர். இப்பட்டியலில் குறைந்த பட்சம் ஒரு உறுப்பினர் பட்டியல் சாதியினரும் பட்டியல் பழங்குடியினரும் பிரிவைச் சார்ந்தவராக இருக்கவேண்டும். இந்த 5 உறுப்பினர்களையும் அரசு பரிந்துரைக்கிறது. .
- அரசாங்கத்தால் பரிந்துரைக்கப்படும் ஒருவர் உறுப்பினர்-செயலாளராக இருப்பார். இவர் மேலாண்மை, நிறுவன அமைப்பு அல்லது சமூகவியல் இயக்க துறையில் நிபுணர் அல்லது ஒன்றிய அல்லது இந்தியக் குடிமைப் பணி சேவையின் உறுப்பினராக இருக்கும் அதிகாரியாக இருப்பவர்.
உறுப்பினர்கள் பெண்கள் நலனில் குறைந்தது 10 வருட அனுபவம் பெற்றிருக்க வேண்டும் என்றாலும், தலைவர் அத்தகைய தகுதி பெற்றிருக்கத் தேவையில்லை.
தில்லி மகளிர் ஆணையத்தின் தலைவியாகச் சுவாதி மாலிவாலும், உறுப்பினர்களாக, புரோமிளா குப்தா, கிரண் நேஜி, சரிகா சொளத்ரி, பைரோசு கான் மற்றும் வந்தனா சிங் உள்ளனர்.
வன்புணர்வினால் பாதிப்பிற்கு உள்ளானவர்களுக்கு உதவும் வகையில் தனியாக ஒரு அமைப்பு ஆணையத்தின் கீழ் செயல்படுகிறது. பாலியல் பலாத்காரத்தால் பாதிக்கப்பட்டவர்களுக்கு உதவி வழங்குவதற்காகச் செப்டம்பர் 2005இல் பெண்களுக்கான தில்லி மகளிர் ஆணையத்தால் தொடங்கப்பட்ட திட்டமாகும். கற்பழிப்பு பாதிக்கப்பட்டவர்களுக்கு ஆலோசனை வழங்கும் பிரத்தியேகமாக இலவச சட்ட சேவை மையம் இது. அனுபவம் வாய்ந்த வழக்கறிஞர்களால் மேற்பார்வை செய்யப்படும் நபர்களின் குழு, பாதிக்கப்பட்டவர்களுக்குச் சட்ட சேவைகளை வழங்குகிறது. பாலியல் பலாத்கார நெருக்கடி வழக்கு விசாரணையில் வழக்கறிஞருக்கு உதவுவதற்கும், குற்றம் சாட்டப்பட்டவரின் பிணை மனுவினை எதிர்க்கும், குற்றவியல் நடைமுறைச் சட்டம் பிரிவு 164இன் கீழ் அறிக்கையைப் பதிவு செய்ய இந்த அமைப்பு உதவுகின்றது.
அனைத்து மாவட்டங்களிலும் அரசு சாரா நிறுவனத்தினால் தொடங்கப்பட்ட பெண்கள் அமைப்புகள் இந்த ஆணையத்தின் பங்களிப்பு அமைப்புகளாகச் செயல்படுகின்றன.
பணிகள்
[தொகு]இந்த ஆணைக்குழு "அரசியலமைப்பு மற்றும் பிற சட்டங்களின் கீழ் பெண்களுக்கு வழங்கப்பட்ட பாதுகாப்புகள் தொடர்பான அனைத்து விடயங்களையும் ஆராய்ந்து ஆய்வு செய்வது" போன்ற பல்வேறு செயல்பாடுகளைக் கொண்டுள்ளது. சில விடயங்களில் இந்த ஆணையம், நீதி அமைப்பாகவும் செயல்படுகிறது. சில வழக்குகளில் "இந்தியாவின் எந்தப் பகுதியிலிருந்தும் எந்தவொரு நபரையும் வரவழைத்து விசாரணைக்கு உட்படுத்துதல்" மற்றும் "எந்த ஆவணத்தையும் கண்டுபிடித்து வழங்குவது" போன்ற குடிமையியல் நீதிமன்றத்தின் அனைத்து அதிகாரங்களையும் இந்த ஆணையம் கொண்டுள்ளது.[5] இந்த ஆணையத்தின் கீழ் மகளிர் கூட்டமைப்பு, மகளிர் பஞ்சாயத்துகள், வன்புணர்விற்கு எதிரான அமைப்பு, நடமாடும் உதவி மையம் மற்றும் திருமணத்திற்கு முந்தைய ஆலோசனைக் குழு போன்ற பல்வேறு திட்டங்கள் மூலம் சட்டத்தில் கூறப்பட்டுள்ள குறிக்கோள்களை உறுதி செய்ய முயல்கிறது. ஆணையத்தின் அதிகார வரம்பு டெல்லியின் தேசிய தலைநகரப் பகுதிக்குள் உள்ளது.[6]
மகளிர் தின விருது
[தொகு]பல்வேறு மகளிர் திட்டங்களைச் செயல்படுத்தி வரும் தில்லி மகளிர் ஆணையாம், மகளிர் மேம்பாட்டிற்காகச் செயலாற்றி வரும் பெண்களை ஊக்கப்படுத்தும் விதமாகப் பன்னாட்டு மகளிர் தின விருதினை வழங்குகின்றது. இந்த விருதானது பன்னாட்டு மகளிர் தின விழாவின் போது வழங்கப்படும்.
மேற்கோள்கள்
[தொகு]- ↑ 1.0 1.1 "Delhi Commission for Women". தில்லி அரசு. http://delhi.gov.in/wps/wcm/connect/lib_dcw/DCW/Home/Citizens+Charter.
- ↑ "DCW chief Swati Maliwal is all for a change". இந்தியா டுடே. 2 August 2015. http://indiatoday.intoday.in/story/swati-maliwal-dcw-chief-controversy-woman-safety-delhi/1/455728.html.
- ↑ "AAP Government Appoints Swati Maliwal New Delhi Commission for Women Chairperson". என்டிடிவி. 18 July 2015. http://www.ndtv.com/delhi-news/aap-government-appoints-swati-maliwal-new-delhi-commission-for-women-chairperson-782654.
- ↑ "Chapter 2 - CONSTITUTION OF THE DELHI COMMISSION FOR WOMEN". Archived from the original on 15 August 2015. பார்க்கப்பட்ட நாள் 18 August 2015.
- ↑ "Delhi Commission For Women". Delhi.gov.in. 2014-03-23. Archived from the original on 18 August 2015. பார்க்கப்பட்ட நாள் 2018-10-13.
- ↑ "Delhi Commission For Women". dcw.delhigovt.nic.in. Archived from the original on 2021-09-12. பார்க்கப்பட்ட நாள் 2021-09-12.
வெளி இணைப்புகள்
[தொகு]- அதிகாரப்பூர்வ இணையதளம் பரணிடப்பட்டது 2021-09-12 at the வந்தவழி இயந்திரம்