திருவதிட்டக்குடி வைத்தியநாத சுவாமி

திருவதிட்டக்குடி வைத்தியநாத சுவாமி ஆலயம்

கடலூா் மாவட்டம், திட்டக்குடி வட்டம், திட்டக்குடியில் இக்கோயில் அமைந்துள்ளது. புண்ணிய நதிகளில் ஒன்றான யமுனா நதிக்கு ஒப்பான ”தென்யமுனை” என்று போற்றப்படும் வெள்ளாற்றின் வடகரையில் அமைந்துள்ள திருத்தலமே ”திட்டக்குடி” என்னும் பேரூராகும். இத்திருத்தலம் முன்னாளில் வதிட்ட முனிவா் வசித்ததால் ”திருவதிட்டக்குடி” என்று வழங்கப்பட்டு, இந்நாளில் திட்டக்குடி என்று வழங்கபடுகிறது. இத்திருத்தலம் சென்னை - திருச்சி நெடுஞ்சாலையில் அமைந்துள்ள தொழுதூா் என்ற ஊாிலிருந்து கிழக்கே 16 மைல் தொலைவில் உள்ளது. விழுப்புரம் - திருச்சி ரயில் பாதையில் அமைந்துள்ள பெண்ணாடம் ரயில்வே நிலையத்தில் இருந்து மேற்கே 12 மைல் தொலைவில் அமைந்துள்ளது. விருத்தாசலத்திலிருந்து திட்டக்குடிக்கு அடிக்கடி பேருந்து வசதி உள்ளது.

திருதல புராண வரலாறு

முற்காலத்தில் பிரம்மதேவனின் மகனாகிய வசிஸ்ட முனிவா் இங்கிருந்த வேங்கை வனத்தில் வந்து தங்கி இருந்து தவம் செய்து வந்தாா். கற்புக்கரசியான அருந்ததியை மணந்து இல்லறமாகிய நல்லறத்தை வளா்த்து வந்தாா். அவரது ஆசிரமத்தில் ”காமதேனு” என்ற வான்சுரபி தோன்றி வளா்ந்து வந்தது. ஒரு நாள் அது மேய்சசலுக்குச் சென்ற போது, ஓாிடத்தில் அதன் கால்குளம்பு பட்டு, ஒரு புற்றில் மேல் இருந்து இரத்தம் பெருகி வருவதைக் கண்டு மயங்கியது. அந்த இரத்தப்பெருக்கை குறைக்க அதன்மீது தன்பாலைச் சுரந்து கொண்டு நின்றது. இதனை அறிந்த வசிட்ட முனிவா் அங்கு சென்ற போது, அது ஒரு சுயம்பு லிங்கம் என்பதனை அறிந்து கொண்டாா். அவா் காமதேனுவிடம் அந்த லிங்கத்திற்கு ஓா் ஆலயம் அமைக்கக் கூறினாா். அதன்படியே காமதேனுவும் அந்த சுயம்பு லிங்கத்திற்கு ஓா் ஆலயம் கட்டியது. அதுவே ஆலயத்தில் தற்போதும் உள்ள கா்ப்பககிரகம் ஆகும். ஆலயத்தில் உள்ள நடராஜா் சன்னிதியின் வெளிப்புறம், மேல் பாகத்தில் காமதேனு சிவலிங்கத்தின் மேல் பால் சொாிந்த நிலையில் நிற்பதைச் சிறிய புடைப்புச் சிற்பமாக அமைத்துள்ளனா்.

குடமுழுக்கு விழா

2015 சனவாி 26 ஆம் நாள் நெடுநாட்களுக்குப் பிறகு குடமுழுக்கு விழா நடைபெற்றது.