ஜிஜாபாய்
| ஜிஜாபாய் | |
|---|---|
 ஜிஜாபாய் மற்றும் சிறுவன் சிவாஜியின் சிலை | |
| பிறப்பு | ஜிஜாபாய் 12 சனவரி 1598 ஜிஜாவு மகால், சிந்த்கேத் ராஜா, புல்தானா, மகாராட்டிரம், இந்தியா |
| இறப்பு | 17 சூன் 1674 பச்சாத் |
| மற்ற பெயர்கள் | ஜிஜாமாதா, ராஜமாதா |
| அறியப்படுவது | ராஜமாதா |
| பெற்றோர் | லக்கோஜிராவ் ஜாதவ் - மகாளசபை |
| வாழ்க்கைத் துணை | ஷாகாஜி போஸ்லே |
| பிள்ளைகள் | சிவாஜி சம்பாஜி |
ஜிஜாபாய் ஷாகாஜி போஸ்லே (Jijabai Shahaji Bhosale) ( 12 சனவரி 1598 – 17 சூன் 1674), மராத்தியப் பேரரசின் நிறுவனர் சிவாஜியின் அன்னையாவார்.
குடும்பம்
[தொகு]ஜிஜாபாய் - ஷாகாஜி போஸ்லே இணையருக்கு ஆறு மகள்களும், சம்பாஜி மற்றும் சிவாஜி என இரண்டு மகன்களும் பிறந்தனர்.
சிவாஜிக்கு மூன்று வயது இருக்கையில் ஜிஜாபாயின் கணவரும், சிவாஜியின் தந்தையுமான சகாஜி போஸ்லே, துக்காபாய் என்பவரை 1630-இல் இரண்டாம் திருமணம் செய்து கொண்டு, இரண்டாம் மனைவி மற்றும் சம்பாஜியுடன் தனியாக வாழ்ந்தார்.
1644ல் சகாஜி, பூனேயில் தன் முதல் மனைவி ஜிஜாபாய் மற்றும் இளைய மகன் சிவாஜிக்கும் லால் மஹால் எனும் அரண்மனை கட்டி குடியமர்த்தினார்.
சிவாஜி மீதான அக்கறை
[தொகு]தாய்நாட்டின் மீதும், அதன் மக்கள் மீதும் உறுதியான பற்று கொள்ளும்வகையில் ஜிஜாபாய், சிவாஜிக்கு சிறந்த கருத்துளைக் கூறி ஓர் அழிக்க முடியாத நம்பிக்கையை ஏற்படுத்தினார் முஸ்லிம் மன்னர்கள் ஆட்சிக்காலத்தில் இருந்த கொடுமையில் இருந்து விடுதலை பெறவேண்டும் என்று சிவாஜிக்கு என்னத்தை ஏற்படுத்தி வளர்த்தார். சொந்த கலாச்சாரத்தின் மீதான அவரின் பற்றும், பொறுப்பும், அத்துடன் சிறந்த இந்திய புராணங்களான மகாபாரதம், இராமாயணத்தில் போன்றவற்றிலஇருந்து எடுத்துக்கூறிய கதைகளும் சிவாஜியின் பண்பை வடிவமைத்தன.
மறைவு
[தொகு]ஜிஜாபாயின் மூத்த மகன் சம்பாஜி ஒரு முற்றுகைப் போரில், அப்சல் கான் எனும் படைத்தலைவனால் கொல்லப்பட்டார். சிவாஜி மராத்தியப் பேரரசராக முடிசூட்டிக் கொண்ட பின்னர் ஜிஜாபாய், 17 சூன் 1674-இல் உயிர் துறந்தார்
மரபுரிமைப் பேறு
[தொகு]- ஜிஜாபாய் சிவாஜியை வீரத்துடன் வளர்த்த முறைகள் குறித்தான நாட்டுப்புற பாடல்கள் மகாராட்டிரா மாநிலத்தில் பாடப்படுகிறது.
- 2011-ஆம் ஆண்டில் ஜிஜாபாயின் வரலாறு குறித்தான இராஜமாதா ஜிஜாபாய் எனும் திரைப்படம் வெளியிடப்பட்டது.
மேற்கோள்கள்
[தொகு]
