சொக்கிகுளம் சோமலிங்கேசுவரர் கோயில்

சொக்கிகுளம் சோமலிங்கேசுவரர் கோயில் தமிழ்நாட்டில் மதுரை மாவட்டத்தில் உள்ள சிவன் கோயிலாகும்.

அமைவிடம்

இக்கோயில் மதுரை மாவட்டத்தில் சொக்கிகுளம் என்னுமிடத்தில் உள்ளது.

இறைவன், இறைவி

இக்கோயிலின் மூலவராக சோமலிங்கேசுவரர் உள்ளார். சிவனின் ஆவுடை வடக்கு நோக்கிய நிலையில் உள்ளது.

அமைப்பு

இக்கோயிலில் பெருமாளுக்கும் சன்னதி அமைந்துள்ளது. சிவனும் பெருமாளும் சேர்ந்து சிவ பெருமாளாகக் காட்சியளிக்கின்றனர். திருப்பதி பெருமாளின் தோற்றத்தைப் போல பெருமாள் காணப்படுகிறார். இப்பெருமாளை திருப்பதியிலிருந்து கொண்டு வந்து அமைத்ததாகக் கூறுகின்றனர்.

திருவிழாக்கள்

பிரதோஷ நாட்களில் அன்னாபிஷேகம் நடத்தப்படுகிறது. பிரதோஷ நாட்களில் சிவனுக்கும், புரட்டாசி நாட்களில் பெருமாளுக்கும் விழாக்கள் நடத்தப்படுகின்றன. மூலவர் சிவனாக இருந்தபோதிலும் விநாயகர் சதுர்த்தியின்போது விநாயகருக்கு சிறப்பு பூசைகள் நடத்தப்படுகின்றன.