செர்னோவைட்டு-(Y)

செர்னோவைட்டு-(Y) Chernovite-(Y)
செர்னோவைட்டு-(Y) மாதிரி
பொதுவானாவை
வகை	செனோடைம் குழு
வேதி வாய்பாடு	Y(AsO4)
இனங்காணல்
நிறம்	நிறமற்றது, வெளிர் மஞ்சள்
படிக அமைப்பு	நாற்கோணம்
மோவின் அளவுகோல் வலிமை	4.5-5
மிளிர்வு	கண்ணாடி பளபளப்பு
கீற்றுவண்ணம்	வெண்மை
ஒப்படர்த்தி	4.866 கி/செ.மீ3
பிற சிறப்பியல்புகள்	கதிரியக்கத்தன்மையும் ஒளிர்தலும் இல்லை
மேற்கோள்கள்

செர்னோவைட்டு-(Y) (Chernovite-(Y)) என்பது (மீண்டும் மீண்டும் வரும் அலகு) YAsO₄) என்ற வாய்பாடு கொண்ட ஒரு கனிமமாகும். முதன் முதலில் 1967 ஆம் ஆண்டில் உருசியாவில் கண்டுபிடிக்கப்பட்டது. உருசிய புவியியலாளர் அலெக்சாண்டர் ஏ. செர்னோவ் நினைவாக கனிமத்திற்கு செர்னோவைட்டு எனப் பெயரிடப்பட்டது. பின்னொட்டு (Y) 1987 ஆம் ஆண்டில் சேர்க்கப்பட்டது. செர்னோவைட்டு-(Y) நிறமற்றது முதல் வெளிர் மஞ்சள் நிறத்தில் கண்ணாடி பளபளப்புடன் காணப்படுகிறது. நாற்கோணக படிக அமைப்பை ஏற்றுக் கொண்டுள்ளது. கனிமத்தில் இட்ரியம், ஆர்சனிக்கு மற்றும் ஆக்சிசன் தனிமங்கள் 1:1:4 விகிதத்தில் கலந்துள்ளன. 4.866கி/செ.மீ³ என்ற குறிப்பிட்ட ஒப்படர்த்தியைக் கொண்டுள்ளது.

செனோடைம் கனிமக் குழுவின் ஒரு பகுதியாகவும் செர்னோவைட்டு-(Y) உள்ளது.

வெளி இணைப்புகள்

• பொதுவகத்தில் செர்னோவைட்டு-(Y) தொடர்பாக ஊடகக் கோப்புகள் உள்ளன.
• "Chernovite-(Y)". mindat.org. பார்க்கப்பட்ட நாள் 2022-04-20.