சுமன் அரிப்பிரியா

சுமன் அரிப்பிரியா
சட்டப் பேரவை உறுப்பினர் அசாம் சட்டமன்றம்
பதவியில் உள்ளார்
பதவியில் 19 மே 2016
தொகுதி	ஆசோ சட்டமன்றத் தொகுதி
தனிப்பட்ட விவரங்கள்
பிறப்பு	(1979-06-01)1 சூன் 1979 குவகாத்தி
அரசியல் கட்சி	பாரதிய சனதா கட்சி
துணைவர்	மணமாகாதவர்
பெற்றோர்	இயிதன் சக்ரவர்த்தி, பிசோயா சக்ரவர்த்தி
வேலை	அரசியல்வாதி, மக்கள் பிரதிநிதி, திரைப்பட இயக்குனர்

சுமன் அரிப்ரியா (SumanHaripriya) ஓர் இந்திய திரைப்பட இயக்குனர், தயாரிப்பாளர் மற்றும் அரசியல்வாதி ஆவார்.

வாழ்க்கைக்குறிப்பு

அரிப்ரியா ஜூன் 1, 1979 ஆம் ஆண்டு சூன் மாதம் 1 ஆம் தேதியன்று கவுகாத்தியில் இயித்தன் சக்ரவர்த்தி மற்றும் பியோயா சக்ரவர்த்தி தம்பதியருக்கு மகளாகப் பிறந்தார். இவரது தாயார், பியோயா சக்ரவர்த்தி, கௌகாத்தி தொகுதியிலிருந்து பாரதிய சனதா கட்சியின் சார்பாகப் போட்டியிட்டு வேற்ரிபெற்ற முன்னாள் நாடாளுமன்ற உறுப்பினர் ஆவார். புது தில்லியின் இயாமியா மில்லியா இசுலாமியா கல்லூரியில் சமூகவியல் பாடத்தில் முதுகலை பட்டம் பெற்றுள்ளார், நொய்டாவில் உள்ள ஆசிய திரைப்படம் &தொலைக்காட்சி அகாடமியில் படித்து திரைப்படம் மற்றும் தொலைக்காட்சியில் பட்டயம் பெற்றார். புது தில்லியின் பாரதிய வித்யா பவனில் வேத சோதிடப் பாடத்தில் பட்டம் பெற்றார்.

திரை வாழ்க்கை

அரிப்ரியா அசாமிய சினிமாவுடன் தொடர்பு கொண்டிருந்தார். சில அசாமிய திரைப்படங்களை இயக்கியுள்ளார்.அவரது படமான கடம்தோல் கிருட்டிணா நாச்சே 53 ஆவது தேசிய திரைப்பட விருதுகளில் சிறந்த அசாம் மொழி திரைப்படம் விருதைப் பெற்றுள்ளது.

அரசியல்

அரிப்ரியா பாரதிய சனதா கட்சி அரசியல்வாதியாவார். 2016 ஆம் ஆண்டு நடைபெற்ற அசாம் சட்டமன்றத் தேர்தலில் ஆயோவிலிருந்து தேர்ந்தெடுக்கப்பட்டார்.

மக்கள் தொடர்பு

கொரோனா பேருந்தொற்றுக்கு எதிராக பசுவின் சிறுநீர் மற்றும் சாணத்தை பயன்படுத்தலாம் என்று அரிப்ரியா பரிந்துரைத்தார். "மாட்டுச் சாணத்தில் பல நன்மைகள் உள்ளன. அது கொரோனா தீநுண்மியைக் கொல்லும் என்று தான் நினைப்பதாக தேரிவித்துள்ளார்.மாட்டுச் சிறுநீரும் பயனுள்ளதாக இருக்கும். மாட்டுச் சாணம் மற்றும் மாட்டுச் சிறுநீரைக் கொண்டு புற்றுநோயைக் குணப்படுத்த முடியும் என்றும் அவர் பரிந்துரைத்தார்.