சி. ருத்ரைய்யா
ருத்ரைய்யா Rudraiah | |
|---|---|
| பிறப்பு | ருத்ரைய்யா சொக்கலிங்கம் 25 சூலை 1947 ஆத்தூர், சேலம் மாவட்டம், மதராசு மாகாணம், பிரித்தானிய இந்தியா (தற்போது தமிழ்நாடு, இந்தியா) |
| இறப்பு | 18 நவம்பர் 2014 (அகவை 67) சென்னை, தமிழ்நாடு, இந்தியா |
| மற்ற பெயர்கள் | ஆறுமுகம் (ஆறுகுட்டி) |
| பணி | இயக்குநர், தயாரிப்பாளர் |
| செயற்பாட்டுக் காலம் | 1978–1980 |
சி.ருத்ரைய்யா (C. Rudhraiya, ஜூலை 25, 1947 - நவம்பர் 18, 2014) தமிழ்நாட்டைச் சேர்ந்த திரைப்பட இயக்குநர் ஆவார்.
தொடக்க வாழ்க்கை
[தொகு]இன்றைய தமிழ்நாட்டின் சேலம் மாவட்டத்தில் உள்ள ஆத்தூர் நகரில் 25 ஜூலை 1947 அன்று சொக்கலிங்கத்தின் மகனாகப் பிறந்தார் ருத்ரைய்யா .[1]
பணி
[தொகு]திருச்சிராப்பள்ளி புனித சூசையப்பர் கல்லூரியில் இளங்கலை பொருளியல் பயின்றபின் சென்னை மாநகரின் தரமணி பகுதியில் உள்ள திரைப்படக் கல்லூரியில் திரைக்கதை எழுத்து மற்றும் இயக்கம் கற்றார்.[1] இவரது முதல் படமான "அவள் அப்படித்தான்", முன்னணி நட்சத்திரங்களான கமலஹாசன், ரஜினிகாந்த் மற்றும் ஸ்ரீபிரியா ஆகியோர் நடித்திருந்தபோதும்[2][3], அவர்களிடமிருந்து வழமையாக ரசிகர்கள் எதிர்பார்க்கும் அம்சங்களைக் கொண்டிராது, வேறுபட்ட, உளவியல் தொடர்பான கதையைமைப்பைக் கொண்டிருந்ததால் தோல்வியுற்றது. இருப்பினும், இன்றளவும், தமிழில் வெளிவந்த சிறந்த படங்களில் ஒன்றாகக் கொண்டாடப்படுகிறது.
புதுமுகங்களை வைத்து 1980 ஆம் ஆண்டு சி.ருத்ரைய்யா இயக்கிய "கிராமத்து அத்தியாயம்" என்னும் திரைப்படமும் தோல்வியுற்றது. இதன் பிறகு அவரது படம் எதுவும் வெளிவரவில்லை. சில முயற்சிகள் துவக்கத்திலேயே தோல்வியுற்று விட்டன.
மறைவு
[தொகு]ருத்ரைய்யா, 18 நவம்பர் 2014 அன்று தனது 68-ஆம் அகவையில் சென்னையில் காலமானார்.[4]
மேற்கோள்கள்
[தொகு]- ↑ 1.0 1.1 "கடலில் கலந்த புதுப்புனல்". Hindu Tamil Thisai. 2014-11-20. Retrieved 2024-12-21.
- ↑ "காப்பகப்படுத்தப்பட்ட நகல்". Archived from the original on 2014-11-21. Retrieved 2014-11-21.
- ↑ http://www.behindwoods.com/tamil-movies-cinema-news-14/aval-appadithaan-rudraiyya-passes-away.html
- ↑ http://www.thehindu.com/entertainment/tamil-film-director-rudraiyaa-passes-away/article6613655.ece
புற இணைப்புகள்
[தொகு]- ஐ.எம்.டி.பி இணையத்தளத்தில் C.Rudhraiya
- An Outsider who saw within - Ganga Rudraiah (The Hindu, 2016 Nov 19)