சிறீஜா

சிறீஜா
பிறப்பு	18 ஏப்ரல் 1971 (1971-04-18) திருவனந்தபுரம், கேரளம், இந்தியா
பணி	நடிகை நடனக் கலைஞர்
செயற்பாட்டுக் காலம்	1989–1994
பெற்றோர்	சுரேந்திரன் உஷா
வாழ்க்கைத் துணை	சந்தான பாண்டியன் (தி. 1993)
பிள்ளைகள்	2

சிறீஜா (Sreeja) 1989 முதல் 1994 வரை மலையாளத் திரைப்படங்களில் தீவிரமாக நடித்த ஓர் இந்திய நடிகை ஆவார். மோகன்லாலின் நாயகியாக இந்திரஜாலம் (1990), செரிய லோகவும் வலிய மனுஷ்யரும் (1990) ஆகிய படங்களில் இவரது முக்கிய வேடங்கள் குறிப்பிடத்தக்கவை. இவர் ஒரு சில படங்களில் மட்டுமே நடித்திருந்தார்.

இளமை

சிறீஜா நாடகக் கலைஞர்களான சிறீதரன் மற்றும் உஷா ஆகியோருக்கு மகளாக ஏப்ரல் 18, 1971 அன்று கேரளாவின் திருவனந்தபுரத்தில் பிறந்தார். இவர் தனது ஆரம்பக் கல்வியைத் திருவனந்தபுரத்தில் உள்ள கார்த்திகா திருநாள் அரசு மகளிர் தொழிற்கல்வி மேல்நிலைப் பள்ளியில் பயின்றார். மேலும் இளங்கலைப் பட்டப்படிப்பை திருவனந்தபுரத்தில் உள்ள என். எஸ். எஸ். மகளிர் கலைக் கல்லூரியில் பயின்றார். திரைத்துறையில் நுழைவதற்கு முன்பு தனது பெற்றோருடன் சில நாடகங்களில் நடித்துள்ளார்.

திரைத்துறையில்

சிறீஜா 1982-ஆம் ஆண்டு மலையாளத் திரைப்படமான நிதி மூலம் குழந்தை நட்சத்திரமாக அறிமுகமானார். இதன் பிறகு இவர் தொடர்ந்து சிறிய வேடங்களில் நடித்தார். இவர் சாணக்கியன் (1989) படத்தில் கமலஹாசனுக்கும், மழவில்காவடி (1989) படத்தில் ஜெயராமுக்கும் சகோதரியாக நடித்தார். ஜெகதே சிறீகுமார் இயக்கிய முதல் படமான அன்னக்குட்டி கோடம்பாக்கம் விளக்குன்னு (1989) மூலம் கதாநாயகியாக அறிமுகமானார். மோகன்லால் (இந்திரஜாலம்-1990) மற்றும் முகேஷ் உள்ளிட்ட பல நடிகர்களுடன் கதாநாயகியாக நடித்தார்.

தனிப்பட்ட வாழ்க்கை

சிறீஜா தன்னுடன் செவ்வந்தி திரைப்படத்தில் நடித்த தமிழ்நாட்டைச் சேர்ந்த சந்தான பாண்டியனை மணந்தார். இந்தத் தம்பதியருக்கு ஒரு மகனும் ஒரு மகளும் உள்ளனர்.

திரைப்படவியல்

ஆண்டு	திரைப்படம்	கதாபாத்திரம்	மொழி	Notes
1982	நிதி		மலையாளம்	Child artist
1985	முத்தாரம்குன்னு பி.ஓ.		மலையாளம்
1987	ஒரு மைமாச புலரியில்		மலையாளம்
1988	ஓர்மயில் ஒரு மணிநாடம்		மலையாளம்
1989	அன்னக்குட்டி கோடம்பாக்கம் விளக்குன்னு	அன்னக்குட்டி	மலையாளம்
1989	மழவில்காவடி	விலாசினி	மலையாளம்
1989	சாணக்கியன்	ஜான்சனின் சிசுட்டர்	மலையாளம்
1989	ஜாக்ரதா	வந்தனா	மலையாளம்
1990	டாக்டர் பசுபதி	உஷா	மலையாளம்
1990	இந்திரஜாலம்	வினு	மலையாளம்
1990	சாம்பியன் தாமசு	செலின்	மலையாளம்
1990	மௌனம் சம்மதம்	விஜயலட்சுமி	தமிழ்
1990	செறிய லோகவும் வலிய மனுஷ்யரும்	நீத்து	மலையாளம்
1991	சேரன் பாண்டியன்	வெண்ணிலா	தமிழ்
1991	எம். ஜி. ஆர். நகரில்	சகோ. ஜோசபின்/ரூபி பில்ப்	தமிழ்
1991	தையல்காரன்	ஓமனா	தமிழ்
1991	தெய்வசகாயம் லக்கி சென்டர்	சாலினி	மலையாளம்
1991	குட்டபத்திரம்	செர்லி	மலையாளம்
1991	எழுநல்லது	ஆஷா	மலையாளம்
1992	காட்சிக்கப்புறம்	சௌதாமினி	மலையாளம்
1992	முதல் குரல்	ரேகா	தமிழ்
1993	கோசயாத்திரை	சஃபியா	மலையாளம்
1993	தங்க பாப்பா	துளசி	தமிழ்
1994	புருஷனை கைக்குள்ள போட்டுக்கணும்	சித்ரா	தமிழ்
1994	செவ்வந்தி	செவ்வந்தி	தமிழ்
1994	என் ராஜாங்கம்	கல்யாணி	தமிழ்

தொலைக்காட்சி தொடர்கள்

• ஒரு பூ விரியுன்னு (தூர்தர்ஷன் )
• மனுஷ்யபந்தங்கள் (தூர்தர்ஷன்)
• கனகசிலங்கா
• இதிகாச கதைகள் (ராஜ் தொலைக்காட்சி) சகுந்தலாவாக

வெளி இணைப்புகள்

• ஐ.எம்.டி.பி இணையத்தளத்தில் சிறீஜா
• sreeja sandhanapandian on Facebook
• Sreeja at MSI