கைசர் தோட்டம்

கைசர் தோட்டம் (Qaisar Bagh) இந்தியாவின் அவத் மண்டலத்திலுள்ள லக்னோ நகரத்தில் அமைந்துள்ள ஓர் அரண்மனை வளாகமாகும். கைசர் பாக், கயிசர் பாக் என்ற பெயர்களாலும் இந்த அரண்மனை அறியப்படுகிறது. அவத் மண்டலத்தை 1847 ஆம் ஆண்டு முதல் 1856 ஆம் ஆண்டு வரை ஒன்பது ஆண்டுகள் ஆட்சிபுரிந்த கடைசி நவாபு வாசித்து அலி சா கைசர் தோட்டம் எனப்படும் இந்த அரண்மனை வளாகத்தை கட்டினார்.^[1]^[2]

1857 ஆம் ஆண்டு நடைபெற்ற இந்திய விடுதலைப் போராட்டத்தின் போது, எழுச்சியில் முக்கிய பங்கு வகித்த அவத் பகுதியின் பேகம் அசுரத்து மகாலின் கோட்டையாக இந்த அரண்மனை பயன்படுத்தப்பட்டது.^[3]

பிரச்சாரத்தில் ஈடுபட்டிருந்த ஐரிசு நாட்டுப் பத்திரிகையாளர் வில்லியம் ஓவார்டு ரசல், இந்திய விடுதலைப் போராட்டத்தின் போது 1858 ஆம் ஆண்டு குடிபோதையில் இருந்த பிரித்தானிய துருப்புக்களால் கைசர் தோட்டம் கொள்ளையடிக்கப்பட்டதைப் பற்றிய ஒரு உன்னதமான கட்டுரையை எழுதினார்.^[4] விக்டோரியா மகாராணிக்கு அஞ்சலி செலுத்தும் வகையில், கைசர் பாக் தோட்டத்திலிருந்து ஓர் உணவகம் இங்கிலாந்துக்கு அனுப்பப்பட்டது, தற்போது இது வின்ட்சர் கோட்டையில் உள்ள பிராக்மோர் தோட்டத்தில் உள்ளது.^[5]

அரண்மனையின் பெரும்பகுதி பிரித்தானிய சிப்பாய்களால் அழிக்கப்பட்டு இடிந்து கிடக்கும் போதிலும், தற்போது இது லக்னோவின் முக்கிய சுற்றுலாத் தலமாக உள்ளது.^[3]