கே. சி. பழனிசாமி
கே. சி. பழனிசாமி | |
|---|---|
 | |
| இந்திய மக்களவை திருச்செங்கோடு தொகுதி உறுப்பினர் | |
| பதவியில் 1989–1991 | |
| தனிப்பட்ட விவரங்கள் | |
| பிறப்பு | தமிழ்நாடு, சென்னிமலை |
| அரசியல் கட்சி | அதிமுக(1977-2017) |
| துணைவர் | சௌந்தரி |
| பிள்ளைகள் | கேசிபி சுரேஷ், கேசிபி கார்த்திக் |
| வாழிடம் | கோயம்புத்தூர் |
As of 22 செப்டம்பர், 2006 | |
கே. சி. பழனிசாமி (K. C. Palanisamy) (பிறப்பு: 7 திசம்பர் 1959 சென்னிமலை ஈரோடு மாவட்டம்) என்பவர் இந்தியாவின் தமிழ் நாடு மாநிலத்தைச் சேர்ந்த ஓர் அரசியல்வாதியாவார். இந்திய இந்திய நாடாளுமன்றத்தின் திருச்செங்கோடு தொகுதியின் முன்னாள் உறுப்பினர் ஆவார்.[1] அண்ணா திராவிட முன்னேற்றக கழகம் கட்சி உறுப்பினராக அரசியலில் செயல்பட்டார்.[2] தமிழ்நாடு சட்டமன்ற காங்கேயம் தொகுதி முன்னாள் உறுப்பினராகவும் இருந்துள்ளார்.
தமிழ்நாட்டின், ஈரோடு மாவட்டம் சென்னிலையில் பிறந்த இவர் கோயம்புத்தூர் தமிழ்நாடு வேளாண் பல்கலைக்கழகத்தில் வேளாண் பொறியியல் பயின்றார். 1972 ஆம் ஆண்டில், எம்.ஜி.ஆர் அதிமுக கட்சியைத் தொடங்கியபோது, இவர் தனது 13 வயதில் கட்சி உறுப்பினராக சேர்ந்தார். 1983 ஆம் ஆண்டில் கோயம்புத்தூர் மாவட்டத்தில் அதிமுகவின் எம்.ஜி.ஆர் இளைஞரணிக்கு 23 வயதில் துணைச் செயலாளராக நியமிக்கப்பட்டார். இரண்டு ஆண்டுகளுக்குப் பிறகு, திருப்பூர் மாவட்டத்தில் உள்ள காங்கேயம் சட்டமன்ற தொகுதியின் அதிமுக வேட்பாளராக போட்டியிட்டு சுமார் 16,000 வாக்கு வித்தியாசத்தி தேர்தலில் வெற்றி பெற்றார். தனது 24 வயதில் தமிழக சட்டமன்ற உறுப்பினராக அமர்ந்த இளைய அரசியல்வாதி என்ற பெருமையை பெற்றார். 1989 ஆம் ஆண்டு தேர்தலில், தென்னிந்தியாவில் அதிக வாக்கு வித்தியாசத்தில் தேர்தலில் வெற்றி பெற்று திருச்செங்கோடு தொகுதியின் நாடாளுமன்ற உறுப்பினரானார்.
ஆரம்பகால வாழ்க்கை
[தொகு]பள்ளிப் பருவத்திலேயே கே.சி.பழனிசாமி எம்.ஜி.ஆரின் குறிக்கோள் மற்றும் தொலைநோக்குப் பார்வையால் உந்தப்பட்டு ஈர்க்கப்பட்டார். தனது 9 ஆவது வயதில், பெருந்துறை தொகுதிக்கான இடைத்தேர்தல் பிரச்சாரத்தின் போது எம்.ஜி.ஆரைச் சந்தித்தார். எம்.ஜி.ஆரின் பாதையைப் பின்பற்ற வேண்டும் என்பதை கே.சி.பழனிசாமி உணர்ந்ததும், சமூகம் குறித்த கருத்துகளையும் பார்வைகளையும் உருவாக்கும் திறன் அவருக்குக் கிடைத்ததும் இங்குதான்.
| கோவை நகர மாவட்ட இளைஞர் அணி துணை மாவட்ட செயலாளர் | 1982 - |
| சட்டமன்ற உறுப்பினர் – காங்கேயம் | 1984 - 1988 |
| நாடாளுமன்ற உறுப்பினர் – திருச்செங்கோடு | 1989 - 1991 |
மேற்கோள்கள்
[தொகு]- ↑ "கே.சி.பழனிசாமி:அதிமுக பெயரில் போலி இணையதளம் நடத்தினாரா? - விரிவான தகவல்கள்". BBC News தமிழ். Retrieved 2025-01-25.
- ↑ Reporter, Staff (2020-02-13). "I am still with AIADMK, says K.C. Palanisamy". The Hindu (in Indian English). Retrieved 2025-01-25.