கஞ்சக் கருவி

கஞ்சக் கருவிகள் என்பது வெண்கலம் அல்லது ஐம்பொன்னால் வார்க்கப்படும் தாளம், கைமணி, சேகண்டி முதலியவைகள் ஆகும்.

கஞ்சம் என்றால் வெண்கலம் என்று பொருள். தூய வெண்கலத்தால் தயாரிக்கப்படும் கஞ்சக்கருவிகளை, தகுந்த இலக்கண வரம்பறிந்து மிக நுணுக்கமாக இசைக்க வேண்டும்.

வகைகள்

• தாளம் - கஞ்சக்கருவிகளில் முதன்மையானது. இது சிங்கி, மணி, ஜால்ரா எனும் பெயர்களால் அழைக்கப்படுகிறது. நாகஸ்வரம், மிருதங்கம், கடம், கஞ்சிரா, கொன்னக்கோல் போன்ற லய வாத்தியங்களையும் தாளம் தான் கட்டுப்படுத்துகிறது. ஓதுவார்கள், நட்டுவனார்கள், நாட்டுப்புற பாடகர்கள் போன்றோர் தாளக்கருவியை பயன்படுத்துகிறார்கள்.

• சேகண்டி: - கோயில்களில் குறிப்பாக சிவன் கோயில்களில் பூஜை நேரங்களிலும்; சுவாமி புறப்பாட்டின் போதும் சேகண்டி, சங்கொலியுடன் ஒலிக்கப்படுகிறது. மேலும் இறப்பு நிகழ்வுகளிலும் சேகண்டி ஒலி எழுப்பப்படுகிறது.

• கைமணி : - அனைத்துக் கோயில்களிலும்; வீடுகளிலும் இறைவனை பூசிக்கும் போது ஒலி எழுப்பப் பயன்படுகிறது. கோயில்களில் பூசை நேரத்தை உணர்த்த எழுப்பப்படும் பெரிய வெண்கல மணியை, கைப்பிடிக்குள் அடங்கும்படி தயாரிப்பது கைமணியாகும்.