ஓதிக்குப்பம் பாறை ஓவியங்கள்

ஓதிக்குப்பம் பாறை ஓவியங்கள் என்பன, கிருட்டிணகிரி மாவட்டத்திலுள்ள கதிரப்பன் மலை என அழைக்கப்படும் மலைப் பகுதியில் காணப்படும் பாறைகளில் வரையப்பட்டுள்ள ஓவியங்கள் ஆகும். ஓதிக்குப்பம் பாசவனக்கோயில் - பர்கூர் சாலையில் அமைந்துள்ளது.

வெள்ளை நிறத்தில் கோட்டுருவங்களாக வரையப்பட்டுள்ள இந்த ஓவியங்களில் பல மனித உருவங்கள் காணப்படுகின்றன. இவற்றுள் நான்கு மனித உருவங்கள் ஏறத்தாழ ஒரே வரிசையில் காணப்படுகின்றன. இது ஒரு சடங்கு நடனத்தைக் குறிக்கக்கூடும் எனக் கருதப்படுகின்றது. ஏனைய மனித உருவங்கள் தனித்தனியாக வெவ்வேறு வடிவங்களில் காணப்படுகின்றன. இங்கு சிந்துவெளி எழுத்துக்கணைப் போன்ற எழுத்துக்களில் ஏதோ எழுதப்பட்டிருப்பதாகச் சில ஆய்வாளர்கள் கூறுகின்றனர்.

உசாத்துணைகள்

• பவுன்துரை, இராசு., தமிழகப் பாறை ஓவியங்கள், மெய்யப்பன் தமிழாய்வகம், சிதம்பரம், 2001.
• துரைசாமி, ப., மதிவாணன், இரா., தருமபுரி பாறை ஓவியங்களில் சிந்துவெளி எழுத்துக்கள், சேகர் பதிப்பகம், சென்னை, 2010.
• Dayalan, D., Rock Art in Tamilnadu and its Archaeological Perspective.

இவற்றையும் பார்க்கவும்

• தமிழகத்தில் கண்டறியப்பட்ட பாறை ஓவியங்கள்