ஒத்த ஒட்டிணைவு (தாவரவியல்)
தாவரங்களில் உள்ள மலர்களில் ஒத்த உறுப்புகள், உருவாகும்போதே இணைந்து காணப்படுவதற்கு ஒத்த ஒட்டிணைவு (Connation) என்று பெயர். எடுத்துக்காட்டாக, அல்லி இதழ்கள் ஒன்றிணைந்து குழல் வடிவ அல்லிவட்டம் உருவாகும். [1][2][3]
இதற்கு நேர்மாறாக ஒத்தற்ற உறுப்புகள் உருவாகும்போதே இணைந்து காணப்படுவதற்கு ஒத்தற்ற ஒட்டிணைவு (Adnation) என்று பெயர். இணையொத்த உறுப்புகள் மிக அருகாைமயில் நெருங்கி இருந்தாலும் அவை இணையாமல் இருப்பதற்கு "ஒட்டிணையாதவை" (connivent) என்று பெயா். இது போன்ற அமைப்பு சொலானம் போன்ற பல பேரினங்களில் காணப்படுகிறது.
- மலரின் பாகங்களில் காணப்படும் ஒத்த ஒட்டிணைவு வகைகள்
- சின்செபாலஸ்: மலரில் உள்ள அனைத்து புல்லி இதழ்களும் இணைந்து கோப்பை அல்லது குழல் வடிவில் காணப்படும். இணைந்த புல்லி இதழ்களின் அடிப்பகுதி குழல் வடிவிலும் இணையாத புல்லி இதழ்களின் நுனிப்பகுதிகள் தனி மடல்களாகவும் காணப்படும்.
- சின்பெடாலஸ்: மலரில் உள்ள அனைத்து அல்லி இதழ்களும் இணைந்து கோப்பை,குழல் அல்லது வேறு வடிவில் காணப்படும்.
- மகரந்தத்தாள்கள்:
- சினான்ட்ரஸ்: மகரந்தத்தாள்கள் அனைத்தும் குறிப்பிட்ட முறையின்றி இணைந்திருக்கும்.
- சின்பிளமென்டஸ்: மகரந்தத்தாள்கள் அனைத்தும் மகரந்தக்கம்பிகளில் மட்டுமே இணைந்திருக்கும்.
- சினான்த்ரஸ்: மகரந்தத்தாள்கள் அனைத்தும் மகரந்தப்பைகளில் மட்டுமே இணைந்திருக்கும்.
- சின்கார்பஸ்: சூலிலைகள் அனைத்தும் இணைந்து கூட்டு சூற்பையாக காணப்படும்.
மலரின் இணையாத(இணைப்பில்லாத) பாகங்கள் அனைத்திற்கும் சின் என்ற முன்வாா்த்தைக்குப் பதில் அபோ அல்லது டையலி என்ற முன்வார்த்தை வரும். உதாரணமாக அல்லி இதழ்கள் இணையாமல் காணப்பட்டால் அதற்கு அபோபெடாலஸ் டையலிபெடலஸ் என்று பெயர்
மேற்கோள்
[தொகு]- ↑ Little, R. John; Jones, C. Eugene, eds. (1980). A Dictionary of Botany. New York: Van Nostrand Reinhold Company. p. 91. பன்னாட்டுத் தரப்புத்தக எண் 0-442-24169-0.
- ↑ Little, R. John; Jones, C. Eugene, eds. (1980). A Dictionary of Botany. New York: Van Nostrand Reinhold Company. p. 91. பன்னாட்டுத் தரப்புத்தக எண் 0-442-24169-0.
- ↑ Jackson, Benjamin Daydon (1928). A Glossary of Botanic Terms with their Derivation and Accent (fourth ed.). London: Gerald Duckworth & Co. Ltd. p. 89.