உழைக்கும் பெண்கள் மன்றம்
உழைக்கும் பெண்கள் மன்றம் (Working Women's Forum (WWF) என்பது தென்னிந்தியாவில் உள்ள ஒரு பெண்கள் அமைப்பாகும். இதனை 1978ம் ஆண்டில் ஜெயா அருணாச்சலம் என்பவரால் சென்னையில் நிறுவப்பட்டது. உழைக்கும் பெண்கள் அமைப்பு தென்னிந்தியாவில் உள்ள ஏழைப் பெண்களுக்கு குறுங்கடன்கள் வழங்குகிறது. இது தொழிற்சங்கம், சுகாதாரப் பாதுகாப்பு மற்றும் பயிற்சி வழங்குவதன் மூலம் பெண்களுக்கு அதிகாரம் அளிப்பதை நோக்கமாகக் கொண்டுள்ளது. தெரு வியாபாரிகள், பட்டுப்புழு வளர்ப்பவர்கள் மற்றும் பட்டு நெசவாளர்கள், கைவினைப் பொருட்கள் உற்பத்தியாளர்கள், சலவைப் பெண்கள் மற்றும் மீனவப் பெண்கள் போன்ற முறைசாராத் துறையில் பணிபுரியும் ஏழைப் பெண்களுடன் இது செயல்படுகிறது.[1][2][3][4][5]
உழைக்கும் பெண்கள் மன்றத்தின் மூலம் 7,00,000 க்கும் மேற்பட்ட பெண்களுக்கு கடன் வழங்கியதன் மூலம் ஒன்றிணைக்கப்பட்டுள்ளனர் மற்றும் குழந்தை பராமரிப்பு, குடும்பக் கட்டுப்பாடு மற்றும் கல்வி போன்ற பிற சேவைகளும் சேர்க்கப்பட்டுள்ளன.[6]
உழைக்கும் பெண்கள் மன்றத்தில் பெண்கள் சேருவதற்கான முக்கிய காரணங்களில் ஒன்று, கடன் பெறுவதற்கான எளிய அணுகல் ஆகும், ஏனெனில் அவர்கள் பெறும் கடன் அளவு முறைசாரா கடனை விட அதிகமாக உள்ளது. மேலும் நியாயமான வட்டி விகிதமும் உள்ளது.[7]
உழைக்கும் பெண்கள் மன்றத்துடன் நெருங்கிய தொடர்புடைய இரண்டு நிறுவனங்கள் உள்ளன:[8] அவைகள்:
- பெண்களுக்கான இந்தியக் கூட்டுறவு வலைதளம்[9] இது பெண்களுக்கு கடன் வழங்குகிறது
- உழைக்கும் பெண்களின் தேசிய சங்கம் (NUWW), ஒரு தொழிற்சங்கம்
நோக்கங்கள்
[தொகு]உழைக்கும் பெண்கள் மன்றம் சில சமூகப் பொருளாதார மற்றும் அரசியல் நோக்கங்களைக் கொண்டுள்ளது:
- முறைசாரா அல்லது ஒழுங்கமைக்கப்படாத துறையில் பணிபுரியும் பெண்களின் ஒழுங்கமைக்கப்பட்ட குழுக்களை உருவாக்குதல்.
- கடன், பயிற்சி மற்றும் நீடித்த சேவைகள் மூலம் பெண்களின் தொழில் முனைவோர் திறன்களை உருவாக்குதல் மற்றும் மேம்படுத்துதல்
- முறைசாரா துறையில் பணிபுரியும் பெண்களை கண்டறிந்து உதவி வழங்குதல்
- கடன் மற்றும் பணிபுரியும் பெண்களை அவர்களின் அரசியல் மற்றும் பொருளாதார, சமூக மற்றும் கலாச்சார உரிமைகள் கோரும் கூட்டு நடவடிக்கைக்கு திரட்டுதல்
உழைக்கும் பெண்கள் மன்றம் கீழ்கண்ட வலுவான கருத்தியல் நிலைகளை பின்பற்றுகிறது; சார்பு பெண்கள்: அவர்களின் குடும்பத்திற்கும் நலனுக்கும் ஆதரவை வழங்கும் முறைசாரா துறையைச் சேர்ந்த பெண்களுக்கு பிரத்தியேகமாக வழங்குதல்.
வரதட்சணை எதிர்ப்பு: கற்பழிப்பு மற்றும் விவாகரத்து சம்பந்தப்பட்ட நடைமுறைகளுக்கு எதிராக வெகுஜன ஆர்ப்பாட்டம் மூலம் வரதட்சணை பழக்கத்தை ஒழிக்க.
சாதி எதிர்ப்பு மற்றும் மதச்சார்பின்மை: பெண்களின் சாதி மற்றும் மத நம்பிக்கைகள் மற்றும் கலப்பு திருமணங்கள் ஆகியவற்றைப் பொருட்படுத்தாமல் ஆதரித்தல்.
அரசியலுக்கு எதிரானது: அரசியல் கட்சிகள் மற்றும் நிகழ்ச்சி நிரல்களுடன் தொடர்புடைய பகுதிகளில் ஈடுபடுவதைத் தவிர்த்தல்.
வரலாறு
[தொகு]ஆரம்பத்தில் சிறு வியாபாரத்தில் ஈடுபட்ட 30 பெண்களுடன் 1970களின் நடுப்பகுதியில் தொடங்கப்பட்டது, பின்னர் சென்னையில் சமூக/அரசியல் ஊழியராக இருந்த ஜெயா அருணாச்சலம் உதவியுடன் ஒரு குழுவாக தங்களை உருவாக்கியது. பெண்கள் குழு கடனுக்காக வங்கியை அணுகி, ஒவ்வொரு உறுப்பினருக்கும் ₹300 தொகையைப் பெற்றனர். அன்றிலிருந்து ஒவ்வொரு நாளும் பெண்களிடமிருந்து திருப்பிச் செலுத்தும் தொகை சேகரிக்கப்பட்டது. மேலும் திருப்பிச் செலுத்தும் தொகை 95% எட்டியது.
ஏப்ரல் 1978ல், சுமார் 800 பெண்கள் இந்த அமைப்பில் 40 குழுக்களாக உருவாக்கப்பட்டு, கடன்களைப் பெறத் தொடங்கினர். இது உழைக்கும் பெண்கள் மன்றம் தோன்ற வழிவகுத்தது.
சூலை 2011 இல் முன்னாள் அமெரிக்க மாநிலச் செயலர் ஹிலாரி கிளிண்டன் இந்தியாவிற்கு வருகை தந்த போது உழைக்கும் பெண்கள் மன்றத்திற்கு புரிந்ததால் இந்த அமைப்பு பாரிய அங்கீகாரத்தைப் பெற்றது.[10]
பல ஆண்டுகளாக உழைக்கும் பெண்கள் மன்றம் பெண்களுக்கு அவர்களின் அன்றாட வாழ்வில் உதவியது. நிதிச் சுமைகள், சமூக அழுத்தங்கள், பெண்களுக்கு எதிரான புறநிலை மற்றும் பாகுபாடு மற்றும் உடல்நலப் பிரச்சினை காரணமாக தற்கொலை செய்து கொள்வதைத் தடுத்தது.
மேற்கோள்கள்
[தொகு]- ↑ Haviland, Charles (23 August 2002). "Empowering the women of Madras". BBC News. http://news.bbc.co.uk/2/hi/south_asia/2212246.stm. பார்த்த நாள்: 2009-08-21.
- ↑ Boustany, Nora (6 May 2005). "A Lifelong Champion Of India's Poorest Women". The Washington Post: p. A20. https://www.washingtonpost.com/wp-dyn/articles/A41484-2005May6.html. பார்த்த நாள்: 2009-08-21.
- ↑ Venkatesan, D. (5 June 2005). "Fight against poverty". தி இந்து இம் மூலத்தில் இருந்து 25 January 2013 அன்று. பரணிடப்பட்டது.. https://archive.today/20130125081505/http://www.hinduonnet.com/thehindu/mag/2005/06/05/stories/2005060500220400.htm. பார்த்த நாள்: 2009-08-21.[தொடர்பிழந்த இணைப்பு]
- ↑ Ekins, Paul (1992). A new world order: grassroots movements for global change. Routledge. pp. 118–122. பன்னாட்டுத் தரப்புத்தக எண் 0-415-07115-1. பார்க்கப்பட்ட நாள் 2009-08-21.
- ↑ Haynes, Jeffrey (2002). Politics in the developing world: a concise introduction (2 ed.). Wiley-Blackwell. pp. 202–203. பன்னாட்டுத் தரப்புத்தக எண் 0-631-22556-0. பார்க்கப்பட்ட நாள் 2009-08-21.
- ↑ "The Economic Empowerment of Women- The case of Working Women's Forum" (PDF).
- ↑ "Working Women's Forum". www.gdrc.org. பார்க்கப்பட்ட நாள் 2020-03-10.
- ↑ "Mission & Profile". WWF இணையதளம். பார்க்கப்பட்ட நாள் 2009-08-21.
- ↑ "பெண்களுக்கான இந்திய கூட்டுறவு வலைதளம்". Archived from the original on 2020-02-21. பார்க்கப்பட்ட நாள் 2023-03-22.
- ↑ Staff Reporter. "உழைக்கும் மகளிர் மன்ற நிறுவனர் ஜெயா அருணாச்சலம் காலமானார்" (in en-IN). The Hindu. https://www.thehindu.com/news/national/tamil-nadu/working-womens-forum-founder-jaya-arunachalam-passes-away/article28226989.ece.