இருகுளோரோ அசிட்டால்டிகைடு

இருகுளோரோ அசிட்டால்டிகைடு
பெயர்கள்
	ஐயூபிஏசி பெயர் 2,2-இருகுளோரோயெத்தனால்
	வேறு பெயர்கள் இருகுளோரோயெத்தனால், டைகுளோரோயெத்தனால்
இனங்காட்டிகள்
சிஏஎசு எண்	79-02-7
ChEBI	CHEBI:34214
EC number	201-169-5
	InChI InChI=1S/C2H2Cl2O/c3-2(4)1-5/h1-2H; Key: NWQWQKUXRJYXFH-UHFFFAOYSA-N;
யேமல் -3D படிமங்கள்	Image
KEGG	C14858
பப்கெம்	6576
	SMILES C(=O)C(Cl)Cl;
UNII	9GT3DHH725
UN number	1993
பண்புகள்
மூலக்கூறு வாய்பாடு	C2H2Cl2O
வாய்ப்பாட்டு எடை	112.94 g·mol−1
அடர்த்தி	1.4 கி/மிலி
உருகுநிலை	−50 °C (−58 °F; 223 K)
கொதிநிலை	88 °C (190 °F; 361 K)
நீரில் கரைதிறன்	நீரேற்றாக உருவாகும்
	மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும்; பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். வார்ப்புரு மேற்கோள்கள்

இருகுளோரோ அசிட்டால்டிகைடு (Dichloroacetaldehyde) என்பது C₂H₂Cl₂O என்ற மூலக்கூற்று வாய்பாடு கொண்ட ஒரு கரிம வேதியியல் சேர்மமாகும். HCCl₂CHO என்ற வேதியியல் அமைப்பு வாய்ப்பாடாகவும் இதை குறிப்பிடலாம். ஒற்றைக்குளோரோ அசிட்டால்டிகைடு, முக்குளோரோ அசிட்டால்டிகைடு என மேலும் இரண்டு குளோரினேற்றம் பெற்ற அசிட்டால்டிகைடுகளுடன் சேர்ந்து மூன்று குளோரோ அசிட்டால்டிகைடுகள் உள்ளன.

பண்புகள் மற்றும் வினைகள்[தொகு]

இருகுளோரோ அசிட்டால்டிகைடு அதிக அளவில் ஆவியாகும் ஒரு திரவமாகும். தண்ணீரில் எளிதில் கரைந்து நீரேற்றுகளை உருவாக்கும். தண்ணீருடன் வினைபுரியும் போது ஓரிடத்து டையால் என்றும் ஒற்றை நீரேற்று என்றும் அழைக்கப்படும் 2,2-இருகுளோரோ-1,1-எத்தேன் டையால் உருவாகிறது.^[1]

இருகுளோரோ அசிட்டால்டிகைடை சூடுபடுத்தும்போது சிதைவடையும். ஆண்டிமனி முக்குளோரைடு, இரும்பு(III) குளோரைடு, அலுமினியம் குளோரைடு, வெள்ளீயம்(IV) குளோரைடு அல்லது போரான் முப்புளோரைடு போன்ற லூயிசு அமிலங்களுடன் வினைபுரியும் போது முப்படிச் சேர்மமான அறுகுளோரோபாரால்டிகைடு (2,4,6-திரிசு(இருகுளோரோமெத்தில்)-1,3,5-மூவாக்சேன்) உருவாகிறது. ^[1] இந்த முப்படிச் சேர்மம் நிறமற்ற படிகங்களாக காணப்படுகிறது. 131–132 °செல்சியசு வெப்பநிலையில் இது உருகும். கொதிநிலையான 210-220 ° செல்சியசு வெப்பநிலையில் இருகுளோரோ அசிட்டால்டிகைடு சிதைவடைகிறது.^[1]

இலித்தியம் அலுமினியம் ஐதரைடு சேர்மத்துடன் சேர்த்து வினைபுரியச் செய்தால் ஒடுக்க வினை நிகழ்ந்து இருகுளோரோயெத்தனால் உருவாகிறது.^[2]

பயன்கள்[தொகு]

புற்றுநோய் சிகிச்சையில் பயன்படும் மைட்டோடேன் போன்ற பிற இரசாயன சேர்மங்களை உற்பத்தி செய்ய இருகுளோரோ அசிட்டால்டிகைடு பயன்படுத்தப்படுகிறது.^[3] குளோரோபென்சீனுடன் சேர்த்து ஆவிசுருக்க வினைக்கு உட்படுத்தினால் இருகுளோரோயிருபீனைல்யிருகுளோரோயீத்தேன் என்ற பூச்சிக்கொல்லி உருவாகிறது:^[1]

தயாரிப்பு[தொகு]

அசிட்டால்டிகைடு அல்லது பாரால்டிகைடை குளோரினேற்றம் செய்வதன் மூலம் இருகுளோரோ அசிட்டால்டிகைடைத் தயாரிக்கலாம். குளோரின் மற்றும் நீரைப் பயன்படுத்தி 1,2-இருகுளோரோயெத்திலீனை ஐப்போகுளொரினேற்றம் செய்தால் தூய இருகுளோரோ அசிட்டால்டிகைடு உருவாகும்.^[1]

மேற்கோள்கள்[தொகு]

↑ ^1.0 ^1.1 ^1.2 ^1.3 ^1.4 Jira, R.; Kopp, E.; McKusick, B.C.; Röderer, G.; Bosch, A.; Fleischmann, G.: Chloroacetaldehydes in Ullmann’s Encyclopedia of Industrial Chemistry, 2012 Wiley-VCH Verlag GmbH & Co. KGaA, Weinheim, எஆசு:10.1002/14356007.a06_527.pub2.
↑ Sroog, C. E.; Woodburn, H. M. (1952). "2,2-Dichloroethanol". Organic Syntheses 32: 46. doi:10.15227/orgsyn.032.0046.
↑ Ullmann, Fritz (2000). Ullmann's Encyclopedia of Industrial Chemistry. Vol. 1 (6th ed.). Germany: Wiley. பன்னாட்டுத் தரப்புத்தக எண் 9783527306732.

[Ullmann-1] 1.0 ^1.1 ^1.2 ^1.3 ^1.4 Jira, R.; Kopp, E.; McKusick, B.C.; Röderer, G.; Bosch, A.; Fleischmann, G.: Chloroacetaldehydes in Ullmann’s Encyclopedia of Industrial Chemistry, 2012 Wiley-VCH Verlag GmbH & Co. KGaA, Weinheim, எஆசு:10.1002/14356007.a06_527.pub2.

[2] Sroog, C. E.; Woodburn, H. M. (1952). "2,2-Dichloroethanol". Organic Syntheses 32: 46. doi:10.15227/orgsyn.032.0046.

[3] Ullmann, Fritz (2000). Ullmann's Encyclopedia of Industrial Chemistry. Vol. 1 (6th ed.). Germany: Wiley. பன்னாட்டுத் தரப்புத்தக எண் 9783527306732.

[1]

[2]

[3]