ஆர். என். மாணிக்கம்
ரிஷியூர் நடராஜா மாணிக்கம் (Rishiyur Nataraja Manickam) (1 பிறப்பு 1919 – 11 செப்டம்பர் 2015), உள்நாட்டு உளவு மற்றும் வெளிநாட்டு உளவு அமைப்புகளில் அதிகாரியாக பணிபுரிந்தவர். 1971 வங்காளதேச விடுதலைப் போரின் போது இவர் வான்பரப்பு ஆய்வு மையத்தின் இயக்குநராக பணியாற்றினார்.
இளமை வாழ்க்கை
[தொகு]இவர் தமிழ்நாட்டின் திருவாரூர் மாவட்டம், நீடாமங்கலம் ஊராட்சி ஒன்றியத்தில் அமைந்த ரிஷியூர் ஊராட்சியில் 1 பிறப்பு 1919 அன்று பிறந்தார்.[1] கோயம்புத்தூர் அரசு கலைக்கல்லூரி, புனித சூசையப்பர் கல்லூரி, திருச்சியில் இளநில பட்டப்படிப்பு முடித்த மாணிக்கம் சென்னை மாநிலக் கல்லூரியில் முதுநிலை பட்டம் பெற்றார்.
தமிழ்நாடு காவல் பணியில்
[தொகு]1943ஆம் ஆண்டில் மாணிக்கம் தமிழ்நாடு காவல் துறையில் அதிகாரியாக சேர்ந்து பதவி உயர்வு பெற்று, மதுரை மாவட்ட காவல் துறை கண்காணிப்பாளராக உளவுத் துறையில் பணியாற்றினார். 3 டிசம்பர் 1950 அன்று இந்தியக் காவல் பணியில் தமிழ்நாடு தொகுதியில் சேர்ந்தார்.[2]
மத்திய காவல் பணியில்
[தொகு]1 டிசம்பர் 1957 அன்று மாணிக்கம் இந்திய வெளியுறவு அமைச்சகத்தில் அயல் பணியாக அமெரிக்காவின் தலைநகரான வாசிங்டன், டி. சி.யில் உள்ள இந்திய தூதரகத்தில் முதல் செயலாளராக பணியில் சேர்ந்தார்.[3]பின்னர் புது தில்லியில் இந்திய வெளியுறவு அமைச்சகத்தில் இயக்குநர் பதவியில் இருக்கும் போது 31 ஆகஸ்டு 1963 அன்று இந்திய உளவுத்துறையில் துணை இயக்குநராக பதவியேற்றார்.[4][5]
15 டிசம்பர் 1965 அன்று இவர் தனது சொந்த தொகுதியான தமிழ்நாட்டிற்கு காவல் துறை தலைவராக மாற்றப்பட்டு,[6]தமிழக காவல் துறை தலைவராக பணியமர்த்தப்பட்டார்.
மீண்டும் மத்திய அரசின் அயல் பணிக்கு சென்ற மாணிக்கம், 1969களின் துவக்கத்தில் வான்பரப்பு ஆய்வு மையத்தின் இயக்குநராக பணியாற்றினார். 1971 வங்காளதேச விடுதலைப் போரின் போது இவர் வான்பரப்பு ஆய்வு மையத்தின் இயக்குநராக பணியாற்றினார்.[7]
இவர் 30 நவம்பர் 1974 முதல் பொதுப் பாதுகாப்பு தலைமை இயக்குநரகம், எல்லைப் பாதுகாப்பு படைகளான சசசுத்திர சீமா பல் மற்றும் சிறப்பு எல்லைப்புறப் படைகளின் தலைமை இயக்குநராக பணியாற்றினார்.
பணி ஓய்வுக்குப் பின்
[தொகு]மாணிக்கம் 30 சூன் 1977 அன்று பணி ஓய்வு பெற்றார். பணி ஓய்வுக்குப் பின் தமிழ்நாடு மாநில நுகர்வோர் குறைதீர் ஆணையத்தின் உறுப்பினராக பணியாற்றினார்..[8][9][10]
மேற்கோள்கள்
[தொகு]- ↑ R. N. Manickam in Forever Missed
- ↑ "History of Services of Indian Police Service as on 1st January 1960". Ministry of Home Affairs, Government of India. 1961. p. 64.
- ↑ Diplomatic List, 1958, Department of State, U.S.A.
- ↑ Gazette of India, 1963, No. 143
- ↑ Gazette of India, 1963, No. 192
- ↑ Gazette of India notification
- ↑ Unraveling India's Foreign Intelligence: The Origins and Evolution of the Research and Analysis Wing, Ryan Shaffer, International Journal of Intelligence and Counter-Intelligence, April 2015
- ↑ Author profile for Security, Espionage and Counter Intelligence
- ↑ Court case with R. N. Manickam as judge, 1993
- ↑ Court case with R. N. Manickam as judge, 1994