அலெக்சாண்டர் டோட்டன்ஹாம்
சர் அலெக்சாண்டர் ராபர்ட் லோஃப்டஸ் டோட்டன்ஹாம் | |
---|---|
புதுக்கோட்டை திவான் | |
பதவியில் 1934–1946 | |
ஆட்சியாளர் | ராஜகோபால தொண்டைமான் |
முன்னையவர் | பி. ஜி. ஹோல்ட்வொர்த் |
பின்னவர் | சி. பி. கருணாகர மேனன் |
தனிப்பட்ட விவரங்கள் | |
பிறப்பு | 31 சூலை 1873 |
இறப்பு | 13 திசம்பர் 1946 பிரித்தானிய இந்தியா, புதுக்கோட்டை | (அகவை 73)
வேலை | குடிமைப் பணியாளர் |
சர் அலெக்சாண்டர் ராபர்ட் லோஃப்டஸ் டோட்டன்ஹாம் சி.ஐ.இ (31 சூலை 1873 - 13 திசம்பர் 1946) என்பவர் பிரித்தானிய அரசின் ஒரு ஊழியர் மற்றும் நிர்வாகி ஆவார், இவர் 1934 முதல் 1946 வரை புதுக்கோட்டை அரசின் திவானாக பணியாற்றினார்.
ஆரம்ப கால வாழ்க்கை[தொகு]
அலெக்சாண்டர் டோட்டன்ஹாம் பிரித்தானிய கடற்படை அதிகாரி ஜான் பிரான்சிஸ் டோட்டன்ஹாம் மற்றும் அவரது மனைவி லாரா எலன் டோட் ஜான்வெரின் ஆகியோருக்கு மகனாக 1873 சூலை 31 இல் பிறந்தார். [1] அலெக்சாண்டர் பிரிஸ்டலின் கிளிப்டன் கல்லூரியில் பட்டம் பெற்றார் மேலும் ஆக்ஸ்போர்டின் குயின்ஸ் கல்லூரியில் முதுகலைப் பட்டம் பெற்றார்.
தொழில்[தொகு]
அலெக்சாண்டர் 1896 இந்தியக் குடிமைப் பணி தேர்வுகளில் தேர்ச்சி பெற்று 1897 திசம்பர் 5 ஆம் இந்தியா வந்தார் [2] அங்கு இவர் சென்னை மாகாண மாவட்ட ஆட்சியர் மற்றும் உதவி குற்றவியல் நடுவராக பணியாற்றினார். 1923 முதல் 1932 வரை, இவர் இந்தியாவின் நடுவண் வருவாய் வாரிய உறுப்பினராக இருந்தார். [3] அலெக்சாண்டர் தனது அறுபது வயதில் 1933 இல் இந்திய குடிமைப் பணியிலுருந்து ஓய்வு பெற்றார்.
புதுக்கோட்டை[தொகு]
1934 ஆம் ஆண்டில், டோட்டன்ஹாம் புதுக்கோட்டையின் திவானாக நியமிக்கப்பட்டார். மேலும் இவர் 1946 இல் இறக்கும் வரை இந்தப் பணியில் இருந்தார். டோட்டன்ஹாம் புதுக்கோட்டையின் சிறந்த நிர்வாகிகளில் ஒருவராகக் கருதப்படுகிறார். மேலும் கலை மற்றும் தொழில்துறையை மேம்படுத்தியவராவார். [4] அலெக்சாண்டர் டோட்டன்ஹாமின் உருவப்படம் திருக்கோகர்ணம் அரசு அருங்காட்சியகத்தில் மாட்டபட்டுள்ளது. [5]
குறிப்புகள்[தொகு]
- ↑ Burke's Peerage, Baronetage & Knightage. Vol. 1. U.S.A. p. 1325.
- ↑ The India office and Burma office list. London: Harrison and Sons. 1903. p. 549.
- ↑ The Men Who Ruled India. Jonathan Cape. 1954.
- ↑ Menon, Vapal Pangunni (1961). The story of the integration of the Indian States. Orient Longman. p. 293.
- ↑ Chandrasekhar, M. S. (1996). Guide to the principal exhibits in the Government Museum, Pudukkottai. Director of Stationery and Print. p. 73.
சுயசரிதை[தொகு]
- Sir Alexander Tottenham. N. Ramachandran. 1992.